ކުޅުދުއްފުށި ސިޓީގެ މަގު ހެދުމުގެ މަޝްރޫއުގެ މަސައްކަތްވެސް ހަލުވި ސްޕީޑެއްގައި ކުރިޔަށް!

ކުޅުދުއްފުށި ސިޓީގެ މަގު ހެދުމުގެ މަޝްރޫއުގެ މަސައްކަތްވެސް ހަލުވި ސްޕީޑެއްގައި ކުރިޔަށްދާކަމަށް މަޝްރޫއުގެ ކޮންޓްރެކްޓަރު އާރްޑީސީން ހާމަކޮށްފި އެވެ.

އާޜްޑީސީން މިއަދު ވަނީ މި މަޝްރޫއުގެ އެންމެ އަދާހަމަ މައުލޫމާތު މިއަދު ހިއްސާކޮށްފައި އެވެ. އެގޮތުން އެކުންފުނިން ބުނީ ކުޅުދުއްފުށި ސިޓީގެ މަގު ހެދުމުގެ މަޝްރޫއުގެ ދަށުން ލައިނޫފަރު މަގުގައި ދުވާރުގެ މަސައްކަތް ކުރެވިފައިވާ ކަމަށާއި ބޮޑުރުއްދޮށު ގޯޅި އަދި ލައިނޫފަރު މަގުގައި މަގު ބައްތި ކޭބަލް އެޅުމުގެ މަސައްކަތް ވެސް ކުރެވިފައިވާ ކަމަށެވެ.

މި މަޝްރޫއުގެ ދަށުން ކުޅުދުއްފުށީ މަގުތަކުގައި 6 ކިލޯމީޓަރު ސަރަހައްދެއްގައި ތާރައެޅުމާއި، މަގުތަކުގައި ފެން ހިންދާ ނިޒާމެއް ގާއިމްކޮށް، މަގު ބައްތި ޖެހުން ހިމެނެއެވެ.

މި މަޝްރޫއު އާރްޑީސީއާއި ހަވާލުކުރީ 2021 ވަނަ އަހަރުގެ ތެރޭގައި އެވެ. އެގޮތުން އެކުންފުންޏާއި މި މަޝްރޫއު ހަވާލުކުރީ 100.7 މިލިއަން ރުފިޔާއަށެވެ.