މާލޭގައި މީހަކަށް މަރުތޭލަކުން ހަމަލާދީ ޒަހަމްކޮށްލައިފި

މާލޭގައި މީހަކަށް މަރުތޭލަކުން ހަމަލާދީ ޒަހަމްކޮށްލައިފި އެވެ.

ފުލުހުން މިރޭ ބުނީ މާލެ ކަނބާ އައިސާ ރަނި ހިނގުން, އައިޖީއެމްއެޗް ކައިރީގައި ހުރި މީހަކަށް ސައިކަލެއްގައި އައި ދެމީހަކު ހަމަލާދީ މާރާމާރީ ހިނގި މައްސަލައެއް މިރޭ 08:41 ހާއިރު ރިޕޯޓުކޮށްފައިވާ ކަމަށެވެ.

އެގޮތުން އަނިޔާވި މީހާ ފަރުވާ ދިނުމަށް އައިޖީއެމް ހޮސްޕިޓަލަށް ގެންގޮސްފައިވާ ކަމަށް ފުލުހުން ބުންޏެވެ.

އަދި މި މާރާމާރީގައި އެމީހާއަށް ހަމަލާދީފައިވަނީ މަރުތޭލަކުން ކަންވެސް ފުލުހުން ވަނީ ހާމަކޮށްފައި އެވެ. އަދި އަނިޔާލިބުނީ ދިވެހި ފިރިހެނަކަށްކަންވެސް ވަނީ ކަށަވަރުކޮށްދީފައި އެވެ.

މި މައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.