logoEN
Sto top
ނަޝާހްގެ ހަތަރު ލަނޑާއެކު ތިނަދޫ ބަލިކޮށް ވާދޫ ފައިނަލުން ޖާގަ ހޯދައިފި

ނަޝާހްގެ ހަތަރު ލަނޑާއެކު ތިނަދޫ ބަލިކޮށް ވާދޫ ފައިނަލުން ޖާގަ ހޯދައިފި

ހަސަން ޝަމްއޫން

logo

1/24/2025, 1:01:07 PM

# ގޯލްޑަން ފުޓްސަލް ޗެލެންޖް# ދިވެހި ކުޅިވަރު # ވާދޫ ފުޓްސަލް ޓީމު# ތިނަދޫ ފުޓްސަލް ޓީމު

ތިނަދޫ އާއި ވާދޫ ވާދަކުރި މެޗުގެ ތެރެއިން...

މިހާރު ކުރިއަށްދާ ގޯލްޑަން ފުޓްސަލް ޗެލެންޖް 2025، އަތޮޅު ބުރުގެ ގދ. އަތޮޅު ސެމީފައިނަލް ދެވަނަ މެޗުގައި 5-1 ގެ ނަތީޖާއަކުން ތިނަދޫ ބަލިކޮށް އެންމެ ފަހުގެ ޗެންޕިއަން ވާދޫ އިން މުބާރާތުގެ ފައިނަލުން ޖާގަހޯދައިފިއެވެ.

Wamco

މުބާރާތުގެ ސެމީފައިނަލުން ވާދޫ ޖާގަހޯދީ ގުރޫޕް ސްޓޭޖުގައި ކުޅުނު ދެމެޗުން ލިބުނު ހަތަރު ޕޮއިންޓާއެކު ގުރޫޕް ބީގެ އެއްވަނަ ޓީމުގެ ގޮތުގައެވެ. އަދި ތިނަދޫ ފައިނަލުން ޖާގަހޯދީ ގުރޫޕް ސްޓޭޖުގައި ކުޅުނު ދެމެޗުން ލިބުނު ތިން ޕޮއިންޓާއެކު ގުރޫޕް އޭގެ ދެވަނަ ޓީމުގެ ގޮތުގައެވެ.

މެޗުގެ ފުރަތަމަ ހާފުގައި މޮޅަށް ކުޅެ ވާދޫ އިން މެޗު ޑޮމިނޭޓްކުރި އިރު، ފުރަތަމަ ހާފުގެ ކުޅުން ނިމިގެންދިޔައީ ދެލަނޑުގެ ލީޑަކާއެކު 3-1 ގެ ނަތީޖާއަކުން ވާދޫ ކުރީގައި އޮވެގެންނެވެ. އަދި މެޗުގެ ދެވަނަ ހާފުގައި ވާދޫ އިން ވަނީ އިތުރު ދެލަނޑު ކާމިޔާބުކޮށް އެޓީމުގެ ލީޑު ފުޅާކޮށްފައެވެ.

އެގޮތުން މިމެޗުގައި ވާދޫގެ ނަޝާހު އަހުމަދު ހަތަރު ލަނޑު ކާމިޔާބުކުރިއިރު، އެޓީމުގެ އަނެއް ލަނޑު ކާމިޔާބުކޮށްދިނީ އަޔާޒް އަހުމަދު އެވެ. އަދި މިމެޗުގައި ތިނަދޫ ޓީމުން ކާމިޔާބުކުރި ހަމައެކަނި ލަނޑު އިބްރާހިމް މުހައްމަދު ކާމިޔާބުކުރިއިރު، މިމެޗުގެ މޮޅު ކުޅުންތެރިއަކަށް ހޮވުނީ ވާދޫ ޓީމުގެ ނަޝާހު އަހުމަދު އެވެ.

މިއަހަރުގެ ގޯލްޑަން ފުޓްސަލް ޗެލެންޖް އަތޮޅު ބުރުގައި ގދ.އަތޮޅުން ހަ ޓީމެއް ވާދަކުރަމުން އަންނައިރު، މިއަތޮޅުގެ މެޗުތައް ކުރިއަށްދަނީ ބައިވެރިވި ހަ ޓީމު ދެ ގުރޫޕަކަށް ބަހާލައިގެންނެވެ. އެގޮތުން ކޮންމެ ގުރޫޕަކުން އެންމެ ރަނގަޅު ނަތީޖާއެއް ހޯދާ ދެޓީމު ސެމީއަށް ހޮވޭއިރު، އަތޮޅުބުރުގެ ފައިނަލުގައި ވާދަކުރާ ދެޓީމަށް މުބާރާތުގެ ޒޯން ބުރުން ފުރުސަތު ލިބިގެންދާނެ އެެވެ.

Maldivian
ކޮމެންޓް
Maldivian
ފަހުގެ
STELCO Inside