"އެންމެންގެ ޑްރެގް ރޭސް 2025" ގެ މީޑިއާ ޕާޓްނަރަކަށް ގާފު ސްޕޯޓްސް ހަމަޖައްސައިފި

އައްޑޫ މޮޓޯސްޕޯޓްސް އެސޯސިއޭޝަން (އަމްސާ) ގެ ފަރާތުން އިންތިޒާމުކޮށްގެން މުޅި ރާއްޖެއަށް ހުޅުވާލައިގެން ބާއްވާ ދެވަނަ "އެންމެންގެ ޑްރެގް ރޭސް 2025" ގެ މީޑިއާ ޕާޓްނަރަކަށް ގާފު ސްޕޯޓްސް ހަމަޖައްސައިފިއެވެ.

23 ފެބުރުއަރީ 2025 އިން 24 ފެބުރުއަރީ 2025 ގެ ނިޔަލަށް ހުޅުމީދޫގައި ބޭއްވުމަށް ހަމަޖެހިފައިވާ މިމުބާރާތުގައި ބައިވެރިވުމުގެ ފުރުސަތު 6 ފެބުރުއަރީ 2025 ގެ ނިޔަލަށް އާންމުކޮށް ހުޅުވާލާފައިވާއިރު، މިދިޔަ އަހަރު އަސްމާގެ ފަރާތުން ބޭއްވި އެންމެންގެ ޑްރެގް ރޭސް ފުރަތަމަ އެޑިޝަންގެ މީޑިއާ ޕާޓްނަރަކީ ވެސް ގާފު ސްޕޯޓްސް އެވެ.

މީގެ އިތުރުން މިދިޔަ އަހަރުގެ މުބާރާތުގައި އައްޑޫ ސިޓީ، މާލެ ސިޓީ، ފުވައްމުލައް ސިޓީ އަދި ތިނަދޫ ސިޓީ އިން ޓީމުތައް ބައިވެރިވެފައިވާއިރު، އެމުބާރާތް ކުރިއަށް ގެންގޮސްފައިވަނީ ފަސް ކެޓަގެރީއަކަށް ބަހާލައިގެންނެވެ. އޭގެ ތެރޭގައި ހިމެނެނީ އޮޓޯ 160، ޓީއެސް 135، ޓީއެސް 150، ޓީއެސް އޯޕަން އަދި ޕްރޯ ޑްރެގް އޯޕަން ކެޓަގެރީ އެވެ. ނަމަވެސް މިއަހަރުގެ މުބާތުގައި 13 ކެޓަގަރީއަކުން ޖުމްލަ 17 އިވެންޓް ބޭއްވުމަށް ވަނީ ހަމަޖެހިފައެވެ.

އިވެންޓް ކެޓަގަރީތައް ބަހާލެވިފައިވާގޮތް:

1- މެޓިކް 160 ސީސީ

2- އާބަން ކޮމާޓާ 125 ސީސ

3- އާބަން ކޮމާޓާ 135 ސީސީ

4- އާބަން ކޮމާޓާ 150 ސީސީ

5- އާބަން ކޮމާޓާ 155 ސީސީ

6- އާބަން ކޮމާޓާ އޯޕަން: (މި އިވެންޓަށް ކޮލިފައި ވާނީ އާބަން ކޮމާޓާ 125 ސީސީ، 135 ސީސީ، 150 ސީސީ އަދި 155 ސީސީ އިވެންޓްގެ އެއްވަނަ އަދި ދެވަނަ ) އެވެ.

7- ޕްރޯ ސްޓްރީޓް 135 ސީސީ

8- ޕްރޯ ސްޓްރީޓް 150-160 ސީސީ

9- ސުޕަރ ޕްރޯ ސްޓްރީޓް

10 -ޑްރެގް އަންޑަރބޯން އޯޕެން: ( މި އިވެންޓަށް ކޮލިފައި ވާނީ ޕްރޯ ސްޓްރީޓް 135 ސީސީ، ޕްރޯ ސްޓްރީޓް 150-160 ސީސީ އަދި ސުޕަރ ޕްރޯ ސްޓްރީޓް އިވެންޓްގެ އެއްވަނަ އަދި ދެވަނަ ) އެވެ.

11 -ސުޕަރ ބައިކް 500-750 ސީސީ

12 -ސުޕަރ ބައިކް 751-1500 ސީސީ

13 -މޮޓޯ ސްޕްރީމް : (މި އިވެންޓަށް ކޮލިފައި ވާނީ ޕްރޯ ސްޓްރީޓް 135 ސީސީ، ޕްރޯ ސްޓްރީޓް 150-160 ސީސީ، ސުޕަރ ޕްރޯ ސްޓްރީޓް،ސުޕަރ ބައިކް 500-750 ސީސީ އަދި ސުޕަރ ބައިކް 751-1500 ސީސީ އިވެންޓްގެ އެއްވަނަ އަދި ދެވަނަ ) އެވެ.

14 -ކާރު 2000

15 -ކާރު 3500

16 -ކާރު 4000

17 -ކާރު އޯޕަން ( މި އިވެންޓުގައި ވާދަކުރާނީ ކާރު 2000، 3500 އަދި 4000 މި އިވެންޓުތަކުގައި ބައިވެރިވި ހުރިހާ ބައިވެރިންނެވެ. )

މީގެ އިތުރުން މުބާރާތުގެ އެންމެ މޮޅު މެކޭނިކް ހޮވުމަށް ހަމަޖެހިފައިވާއިރު، މި މަގާމު ހޯދާ ފަރާތަކަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވެއެވެ.

އައްޑޫ މޮޓޯސްޕޯޓްސް އެސޯސިއޭޝަން (އަސްމާ)ގެ ފަރާތުން މިފަދަ އިވެންޓެއް ބޭއްވުމުގެ މަގުސަދަކީ އައްޑޫ ސިޓީގައި މޮޓޯސްޕޯޓްސް ކުރިއަރުވައި އާލާކުރުމުގެ އިތުރުން ރޭސިންއަށް ލޯބިކުރަށްވާ ފަރާތްތަކަށް އެފަރާތްރަކުގެ ހުނަރު ދައްކާލުމުގެ ފުރުސަތު ހޯދައިދިނުމުގެ އިތުރުން އެކުވެރި މާހައުލެއްގައި ރޭސިން ފެމެލީ އެއްތަންވެ ވަގުތު ހޭދަކޮއްލަން ފުރުސަތު ހޯދައިދިނުމެވެ.