--
ރާއްޖެއަށް ކުރަމުންދާ ވިއްސާރައިގައި ގއ.ދާންދޫއަށް ބޯކޮށް ވާރޭވެހި ފެން ބޮޑުވުމާ ގުޅިގެން ފެން ހިންދުމުގައި އެމްއެންޑީއެފް ސަދަން އޭރިއާ ކޮމާންޑްގެ ސިފައިން ހަރަކާތްތެރިވެއްޖެއެވެ.
ސިފައިން މިއަދު ބުނީ އެ ރަށުގައި ފެން ބޮޑުވިކަމުގެ މަޢުލޫމާތު މިއަދު ހެނދުނު 09:00 ހާއިރު ލިބުމާ ގުޅިގެން އެމްއެންޑީއެފް ސަދަން އޭރިއާ ކޮމާންޑް، ގދ.ތިނަދޫ ފަޔަރ ސްޓޭޝަނުގެ ސިފައިން ވަނީ ހަރަކާތްތެރިވެފައި ކަމަށެވެ.
މިގޮތުން ފެން ހިންދުމަށް ހިންގި އޮޕަރޭޝަނުގައި، މިއަދު މެންދުރު 12:00 ހާއިރު ފެންބޮޑުވެފައިވާ ސަރަހައްދުން ފެން ހިންދާ އާންމު ހާލަތަށް ގެނެވިފައިވާކަން ވަނީ ފާހަގަކޮށްފައި އެވެ. އަދި ވެލިބަސްތާ ޖެހުމަށް ޓަކައި ގއ.ދާންދޫ ކައުންސިލަށް 200 ގޯނި ވަނީ ހަވާލުކޮށްފައި އެވެ.
މިއަދު ހެނދުނު ރާއްޖޭގެ ދެކުނުގެ ސަރަހައްދުތައް ހިމެނޭހެން ބޮޑު ސަރަހައްދެއް އޮތީ ހުދު ސަމާލުގައި އެވެ. އެގޮތުން ހުދު ސަމާލުގައި މުއްދަތުގައި ހުވަދު އަތޮޅުގެ ބައެއް ރަށްތަކަށް ބޯކޮށް ވާރޭވެހި ފެންބޮޑުވުމުގެ ރިޕޯޓުތައް ވަނީ ކޮށްފައި އެވެ.
ފަހުގެ
