ދާންދޫގައި ޑިޓޮކްސްގެ ހިދުމަތް ފެށުން
ގއ. ދާންދޫ ސިއްހީ މަރުކަޒުގައި ޑިޓޮކްސިފިކޭޝަން ހިދުަމަތް ތައާރަފުކޮށް ހިދުމަތްދޭން ފަށައިފިއެވެ.
އިއްޔެ އެރަށުގައި އޮތް ރަސްމިއްޔާތެއްގައި މި ހިދުމަތް ފައްޓަވައި ދެއްވީ ދާޚިލީ ސަލާމަތާ ފަންނިއްޔަތާ ބެހޭ ވަޒީރު އަލީ އިހްސާނެވެ.
މިއީ މަސްތުވާތަކެތި ބޭނުންކުރުމުގެ މައްސަލަ ހުންނަ ފަރާތްތަކަށް ގާތުން ހިދުމަތް ފޯރުކޮށްދެއްވުމުގެ ގޮތުން ރާއްޖޭގެ މަސްތުވާ ތަކެއްޗާއި ބެހޭ ގައުމީ އިދާރާ، ނޭޝަނަލް ޑްރަގް އޭޖެންސީން ކުރަމުން ގެންދާ މަސައްކަތުގެ ދަށުން، އެ އޭޖެންސީއާއި ގއ.ދާންދޫ ކައުންސިލާއި، ދާންދޫ ސިއްހީ މަރުކަޒު ގުޅިގެން ފެށި ހިދުމަތެވެ.
މި ޚިދުމަތް ދާންދޫގައި ފެށުމުން، މާލެއަށް ނުގޮސް އެރަށުގައި ތިބެގެން ޑިޓޮކްސިފިކޭޝަންގެ ހިދުމަތް ލިބިގެންދާނެއެވެ.
އެންޑީއޭއިން ދަނީ ޑިޓޮކްސިފިކޭޝަންގެ ހިދުމަތް ހުރިހާ ރަށަކުން ވެސް ލިބޭނެގޮތް ފަހިކުރުމަށްޓަކައި ރަށްރަށުގެ ސިއްހީ ޚިދުމަތްދޭ މަރުކަޒުތަކާއި ގުޅިގެން ގިނަ މަސައްކަތްތަކެއް ކުރަމުންނެވެ.
ފަހުގެ
