މާލޭގެ ގެސްޓް ހައުސްއެއްގެ ތެރޭގައ މަރުވެފައި އޮތް މީހަކު ފެނިއްޖެ

މާލޭގެ ގެސްޓް ހައުސްއެއްގެ ތެރޭގައި މަރުވެފައި އޮތް މީހަކު ފެނިއްޖެ އެވެ.

ފުލުހުން މިއަދު ބުނީ މާލެ ހެންވޭރުގައި ހިންގަ ގެސްޓް ހައުސްއެއްގެ ފާހަނާގައި މީހަކު ވެއްޓިފައި އޮތް ކަމުގެ މައުލޫމާތު މިއަދު 14:04 ހާކަންހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

އެގޮތުން އެމީހާ ހޮސްޕިޓަލަށް ގެންދިޔަ އިރުވެސް ނިޔާވެފައިވާކަމަށް ހޮސްޕިޓަލްއިން ފުލުހުންނަށް މައުލޫމާތު ދީފައިވާ ކަމަށް ފުލުހުން ވަނީ ބުނެފައި އެވެ

ފުލުހުން ބުނީ ނިޔާވި މީހާއަކީ އައްޑޫ ސިޓީ ހުޅުދޫ ބޮކަރުމާގެ އުމުރުން 59 އަހަރުގެ އަބްދުالله ޒަކީ ކަމަށެވެ.

މި މައްސަލަ އިތުރަށް ތަހުގީގު ކުރަމުންދާކަން ހާމަކުރި ނަމަވެސް މާބޮޑު ތަފްސީލް ފުލުހުން ހާމައެއް ނުކުެރެއެވެ.