މިނިސްޓަރ ޠާރިޤް އެޗްޑީސީގެ އެމްޑީ މަޢުރޫފު އާއި ބައްދަލުކުރައްވައިފި

އެންވަރަމެންޓު މިނިސްޓަރު ޠާރިޤް އިބްރާހީމް މިއަދު ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)ގެ މެނޭޖިންގ ޑިރެކްޓަރާ ބައްދަލުކުރައްވައިފިއެވެ.

މިނިސްޓްރީން ބުނީ މި ބައްދަލުވުމުގައި މައިގަނޑު ގޮތެއްގައި މަޝްވަރާކުރެވިފައިވަނީ ކުނި މެނޭޖްކުރުމުގެ ދާއިރާއާއި ވައިގެ ފެންވަރު ބެލުމުގެ މަސައްކަތްތަކުގައި ދެ ފަރާތުގެ މެދުގައި އޮންނަ އެއްބާރުލުން އިތުރަށް ހަރުދަނާކުރުމާ ގުޅޭގޮތުންނެވެ.

މިނިސްޓަރު ޠާރިޤް އިބްރާހީމާއި އެޗްޑީސީގެ އެމްޑީއާ ދެމެދު ބޭއްވުނު މި ބައްދަލުވުމަކީ ދެ މުއައްސަސާގެ މެދުގައި އޮންނަ ގުޅުން އިތުރަށް ބަދަހިކޮށް، ރާއްޖޭގެ ތިމާވެށި ރައްކާތެރިކުރުމަށް ކުރެވޭ މަސައްކަތްތައް އިތުރަށް ހަރުދަނާކުރުމަށް މަގުފަހިވެގެންދާނެ ބައްދަލުވުމެއް ކަމަށް ބެލެވޭ ކަމަށް މިނިސްޓްރީން ބުނެއެވެ.

ކުނި މެނޭޖްކުރުމާއި ވައިގެ ފެންވަރު ބެލުމަކީ ރާއްޖޭގެ ތިމާވެށި ހިމާޔަތްކުރުމަށް ކުރެވޭ މުހިންމު މަސައްކަތްތަކެއް ކަމަށްވާތީ، މި ދާއިރާތަކުގައި ދައުލަތުގެ މުއައްސަސާތަކުގެ މެދުގައި އެއްބާރުލުން އިތުރުކުރުމަކީ މުހިންމު ކަމެއް ކަމުގައި ފާހަގަކުރެވޭ ކަމަށްވެސް މިނިސްޓްރީން ބުނެއެވެ.