--
ރާއްޖޭގެ ފޮރިން މިނިސްޓަރު ޑރ އަބްދުالله ޚަލީލް ރަސްމީ ދަތުރުފުޅެއްގައި ޔުނައިއެޓް އަރަބި އެމިރޭޓްސް, ޔޫއޭއީއަށް ވަޑައިގެންފި އެވެ.
ފޮރިން މިނިސްޓްރީން ބުނީ ޚަލީލްގެ މި ދަތުރުފުޅަކީ ޔޫއޭއީގެ ބޮޑުވަޒީރުގެ ނައިބު އަދި ފޮރިން މިނިސްޓަރު ހިޒް ހައިނެސް ޝެއިޚް އަބްދުالله ބިން ޒައިދު އަލް ނަހްޔާންގެ ދައުވަތަކަށް ކުރައްވާ ރަސްމީ ދަތުރުފުޅެއް ކަމަށެވެ.
ޚަލީލްގެ މި ދަތުރުފުޅުގައި، ބޮޑުވަޒީރުގެ ނާއިބު އަދި މިނިސްޓަރ އޮފް ފޮރިން އެފެއާޒް ހިޒް ހައިނެސް ޝެއިޚް ޢަބްދުالله ބިން ޒައިދު އަލް ނަޙްޔާންއާ އެކު ދެޤައުމުގެ ގުޅުން އިތުރަށް ބަދަހިކުރުމާއި، ދެޤައުމުގެ ގުޅުން އިތުރަށް ބަދަހިކުރުމާ ބެހޭގޮތުންނާއި، މުސްތަޤްބަލުގައި ގުޅުން ބަދަހިކުރެވޭނެ ގޮތްތައް ހޯއްދަވައިދެއްވުމަށް ވަނީ ހަމަޖެހިފައެވެ.
މީގެ އިތުރުން، ޔޫއޭއީ ސަރުކާރުގެ އެހެން ޢިއްޒަތްތެރިންނާ އެކު ވެސް މިނިސްޓަރ ބައްދަލުކުރައްވައި، ގުޅުން ބަދަހިކުރުމަށާއި، ދެޤައުމުގެ މަސްލަހަތު ކުރިއެރުވުމަށް މަސައްކަތްކުރައްވާނެ ކަމަށް ފޮރިން މިނިސްޓްރީން ބުނެއެވެ.
މި ދަތުރުފުޅުން ރާއްޖެއާއި ޔޫއޭއީއާ ދެޤައުމުގެ ދެމެދުގައި އޮތް ޒަމާންވީ ގާތް ގުޅުމުގެ މައްޗަށް އަލިއަޅުއްވާލައްވައި، ތަރައްޤީއާއި، އުފެއްދުންތެރިކަމާއި، ކުރިއެރުމަށް ދެޤައުމުގެ ދެމެދުގައި އޮތް އުންމީދުތަކުގެ މައްޗަށް އަލިއަޅުއްވާނެ ކަމަށްވެސް ވަނީ ބުނެފައި އެވެ.
ޚަލީލްގެ އަރިހުގައި އެމްބެސެޑަރ އެޓް ލާޖް އަބްދުالله ހަމީދާއި ފޮރިން މިނިސްޓްރީގެ ޖޮއިންޓް ސެކްރެޓަރީ މަރިޔަމް ރީޝާ މި ދަތުރުފުޅުގައި ބައިވެރިވެވަޑައިގެންނެވިއެވެ.
ފަހުގެ
