--
ޔަހޫދީން ހުއްޓުމެއްނެތި ޣައްޒާއަށް ދެމުންދާ ހަމަލާތަކުގެ ތެރެއިން މިއަދު ދިން ހަމަލާއެއްގައި މާބަނޑު އަންހެނަކު ޝަހީދުކޮށްލައިިފި އެވެ.
ރިޕޯޓުތައް ބުނާގޮތުގައި އިސްރާއީލުން ދަނީ ޣައްޒާގެ އެކި ހިސާބުތަކަށް މިއަދު ވައިގެ ގިނަ ހަމަލާތަކެއް ދެމުންނެވެ. އެގޮތުން އިސްރާއީލުން ޣައްޒާގެ މީހުން ދިރިއުޅޭ ގެއަކަށް ދިން ވައިގެ ހަމަލާއެއްގައި މާބަނޑު އަންހެނަކު ޝަހީދުވެފައިވާއިރު ޑޮކްޓަރުން ވަނީ އެއަންހެން މީހާގެ ކުއްޖާ ސަލާމަތްކޮށްފައެވެ. ނަމަވެސް އެކުއްޖާ ސަލާމާތްކުރި އިރު ކުއްޖާގެ އުމުރަކީ 7 ވަރަކަށް މަސް ކަމުން ކުއްޖާއަށް އަދިވެސް ފަރުވާ ދެމުންދާކަމަށް ރިޕޯޓުތައް ބުނެއެވެ
މީގެ އިތުރުން ފަލަސްތީނުގެ މަޝްހޫރު ލިޔުންތެރިއެއް [ވާލާ ޖުމާ އަލް-އިފްރާންޖީ] އޭނާގެ ފިރިމީހާ [އަހުމަދު ސައީދު ސަލާމާ] އާއި އެކު ނުސީރަތު ރެފިއުޖީ ކޭމްޕުގެ ދެކުނުން އެމީހުންގެ ގެއަށް އިސްރާއީލުން ދިން ހަމަލާއެއްގައި ވަނީ ޝަހީދުވެފައި އެވެ.
ޣައްޒާގެ ދެކުނުގައި އޮންނަ ޚާން ޔުނިސް ސިޓީގެ ވަގުތީ ކޭމްޕެއްގައި މިއަދު ގަދަ ފިނީގެ ސަބަބުންވެސް ތުއްތު ކުއްޖަކު ވަނީ ޝަހީދުވެފައި އެވެ.
ޔަހޫދީން ޣައްޒާއަށް ދެމުންދާ ހަމަލާތަކުގައި މިއަދުގެ މިވަގުތާއި ހަމައަށް ޝަހީދުވި މީހުންގެ އަދަދު ވަނީ 27 އަށް އަރާފައި އެވެ.
ގުޅުންހުރި
ޣައްޒާއަށް ދިން ހަމަލާއެއްގައި މާބަނޑު އަންހެނަކު ޝަހީދުކޮށްލައިފި
މިއަދުގެ މިވަގުތާއި ހަމައަށް ޣައްޒާއިން ޝަހީދުވި މީހުންގެ އަދަދު 27 އަށް!
ޣައްޒާގެ ޖަބަލިއާއަށް ޔަހޫދީން ބޮން އަޅައި 10 މީހަކު ޝަހީދުކޮށްލައިފި, ގިނައީ ކުޑަކުދިން!
ނުސީރަތު ރެފިއުޖީ ކޭމްޕަށް ޔަހޫދިން ބޮން އަޅައި ހަތް މީހަކު ޝަހީދުކޮށްލައިފި
ފަހުގެ
