ނުސީރަތު ރެފިއުޖީ ކޭމްޕަށް ޔަހޫދިން ބޮން އަޅައި ހަތް މީހަކު ޝަހީދުކޮށްލައިފި

ނުސީރަތު ރެފިއުޖީ ކޭމްޕަށް ޔަހޫދިން ބޮން އަޅައި ހަތް މީހަކު ޝަހީދުކޮށްލައިފި އެވެ.

ބޭރުގެ ހަބަރުތައް ގެނެސްދޭ ރޮއިޓާސްއިން ޣައްޒާގެ ޑޮކްޓަރަކާއި ހަވާލާދީ ރިޕޯޓުކުރާ ގޮތުގައި އިސްރާއީލުން ދިން ވައިގެ ހަމަލާއެއްގައި ޣައްޒާގެ މެދުތެރޭގެ ނުސީރަތު ކޭމްޕްގެ އެޕާޓްމަންޓެއްގައި ތިބި ފަލަސްތީނުގެ ހަތް މީހަކު ވަނީ ޝަހީދުވެފައި އެވެ.

އަދި އޭގެ ތެރޭގައި ކުޑަކުދިންތަކެއްވެސް ހިމެނޭކަމަށް ބެލެވޭކަމަށް އެހެން ރިޕޯޓުތައް ބުނެއެވެ.

މިއަދުގެ ފަތިހުން ފެށިގެން ޣައްޒާއަށް އިސްރާއީލުން ދިން ހަމަލާތަކުގައި މަރުވި މީހުންގެ އަދަދު މިހާރު ވަނީ 14 އަށް އަރާފައި އެވެ.

އެގޮތުން ޣައްޒާގެ އުތުރުގައި، ބެއިޓް ހަނޫންގައި ހަތަރު މީހުން ޝަހީދުވެފައިވާއިރު ، އޭގެ ތެރޭގައި ހިމެެނެނީ މަންމައަކާއި ބައްޕައަކާއި އެ މީހުންގެ ދެ އަންހެން ދަރިންނެވެ. އަދި މީގެ އިތުރުން ކަމަލް އަދްވާން ހޮސްޕިޓަލް ކައިރީގައި ބޮން ގޮއްވާލި ގެއެއްގެ ކުނިތަކުގެ ދަށުން އެއާއިލާގެ އިތުރު ތިން މީހެއްގެ ހަށިގަނޑު ވަނީ ފެނިފައި ކަމަށް ރިޕޯޓުތައް ބުނެއެވެ.