ޣައްޒާގެ ޖަބަލިއާއަށް ޔަހޫދީން ބޮން އަޅައި 10 މީހަކު ޝަހީދުކޮށްލައިފި, ގިނައީ ކުޑަކުދިން!

ޔަހޫދީން ޣައްޒާގެ ޖަބަލިއާ އަވަށަށް ބޮން އަޅައި 10 މީހަކު ޝަހީދުކޮށްލައިފި އެވެ.

ފަލަސްތީނުގެ ސިވިލް ޑިފެންސް އިން ރިޕޯޓްކުރާ ގޮތުގައި މި ހަމަލާގައި ޝަހީދުވި 10 މީހުންގެ ތެރޭގައި ގިނައީ ކުޑަކުދިންނެވެ. ނަމަވެސް ސީދާ އަދަދެއް ހާމައެއް ނުކުރެއެވެ.

ރިޕޯޓުތައް ބުނާގޮތުގައި މި ހަމަލާ އަމާޒުކޮށްފައިވަނީ ޣައްޒާގެ އުތުރުގައި އޮންނަ ޖަބާލިއާގެ ގެއަކަށެވެ.

މި ހަމަލާގެ އިތުރުން އިސްރާއީލުން ދިން ވައިގެ ހަމަލާއެއްގައި ޣައްޒާގެ މެދުތެރޭގެ ނުސީރަތު ކޭމްޕްގެ އެޕާޓްމަންޓެއްގައި ތިބި ފަލަސްތީނުގެ އަށް މީހަކު ވަނީ ޝަހީދުވެފައި އެވެ.

ޔަހޫދީންގެ ހަމަލަތަކައުގައި ފާއިތުވި 24 ގަޑިއިރުގެ ތެރޭގައި ޝަހީދުވި މީހުންގެ އަދަދު ވަނީ މިހާރު 90 އާއި ގާތްކޮށްފައެވެ.