--
ގިނަ ބައެއްގެ މެދުގައި ބޮޑު ތަރުހީބެއް ލިބުނު ފިލްމު "ޔޭ ޖަވާނީ ހޭ ދީވާނީ" ސިނަމާތަކުގައި ރިލީޒްކުރިތާ މިހާރު ދިހަ ވަރަކަށް އަހަރަށް ވުރެ ގިނަ ދުވަސް ވެއްޖެ އެވެ.
އަޔާން މުކަރްޖީ ޑައިރެކްޓްކުރި މި ފިލްމުގެ ލީޑް ރޯލުތަކުން ފެނިގެންދިޔައީ ރަންބީރު ކަޕޫރާއި ދީޕިކާ ޕަދުކޯން އާއި ކަލްކީ ކޮޗްލިންގެ އިތުރުން އަދިތިޔާ ރޯއި ކަޕޫރެވެ.
މި ފިލްމުގެ ޑައިލޮގްތަކުން ފެށިގެންގޮސް ލަވަތަކާއި ހަމައަށް ފިލްމުތަކުގެ ހުރިހާ ކަމެއް ވެސް ބެލުންތެރިން ވަރަށް ކަމުދިޔައެވެ. އަދި މިއަހަރު ވަނީ މި ފިލްމު އަލުން ސިނަމާތަކުގައި ރިލީޒްކޮށްފައިއެވެ.
މި ހަފްތާ ތެރޭގައި ދަރްމާ ޕްރޮޑަކްޝަނުން ވަނީ "ޔޭ ޖަވާނީ ހޭ ދީވާނީ" ގެ މަންޒަރެއް ދަރްމާ ޕްރޮޑަކްޝަންގެ އޮފިޝަލް އިންސްޓަގްރާމް ޕޭޖުގައި ހިއްސާކޮށްފަ އެވެ. އަދި އެ ފޯސްޓްގެ ކެޕްޝަންގައި "ހަމޭން އިންސޭ ޕިޔާރު ހޯ ޖާއޭގާ... ފިރް ސޭ!" #StayTuned މި ފަދައިން ލިޔެފައިވެއެވެ.
މި ޕޯސްޓުގެ ކޮމެންޓް ސެކްޝަނުގައި މި ފިލްމުގެ ސަޕޯޓަރުން ވަނީ ސީކުއެލް ރިލީޒް ކުރަން އެ ޓީމުން ވިސްނަނީތޯ ސުވާލު އުފައްދައިފަ އެވެ. އަދި ސީކުއެލްއަކާ މެދު ވިސްނަމުންދާ ކުރީގެ ފިލްމުގެ ކާސްޓުންނާއި އެކު ކުރިޔަށްދިޔުމަށްވެސް ފޭނުންވަނީ ބުނެފައިއެވެ.
އެހެންވީމާ މިއީ "ޔޭ ޖަވާނީ ހޭ ދީވާނީ" ގެ އިތުރު ބަޔަކަށް އިންތިޒާރުކުރަމުން އަންނަ ފަރާތްތަކަށް ވަރަށްވެސް ސަސްޕެންސް ހަބަރަކަށް ވާނެ އެވެ.
ފަހުގެ
