--
އާ އަހަރުގެ ކައުންޓްޑައުން ފަށާފައިވާއިރު، ބޮލީވުޑްގެ ފޭނުން އެންމެ އިންތިޒާރުކުރާނީ އައު އަހަރާއިއެކު ފެނިގެންދާނީ ކޮން ފިލްމުތަކެއްތޯ ބެލުމަށްކަން ޔަގީނެވެ.
އެގޮތުން ސިދާތު މަލްހޯތުރާއާއި ޖާންވީ ކަޕޫރްގެ ލޯބީގެ ފިލްމެއް އަންނަ އަހަރުގެ ޖުލައި މަހުގެ 25 ވަނަ ދުވަހު ރިލީޒްވާނެކަން މިއަދު މިވަނީ ރަސްމީކޮށް އިއުލާނުކޮށްފައެވެ.
ތުޝާރު ޖަލޯޓާ ޑައިރެކްޓްކޮށްފައިވާ "ޕަރަމް ސުންދަރީ" ނަމަކަށް ކިޔާ މި ފިލްމުގެ ޕޯސްޓަރުތަކާއި ރިލީޒް ކުރާ ތާރީޚު ފިލްމުގެ ޕްރޮޑިއުސަރުން މިހާރު ވަނި އެމީހުންގެ ސޯޝަލް މީޑިއާ ޕްލެޓްފޯމްތަކުގައި ހިއްސާކޮށްފަ އެވެ.
މި ފިލްމުގައި ޖާންވީ ފެނިގެންދަނީ ސުންދަރީ ނަމަކަށް ކިޔާ ސައުތު އިންޑިއާ އަންހެނެއްގެ ރޯލުންނެވެ. އަދި ސިދާތު ފެނިގެންދާނީ ޕަރަމް ނަމަކަށް ކިޔާ ނޯތު އިންޑިޔާއަށް ނިސްބަތްވާ ފިރިހެނެއްގެ ރޯލުންނެވެ. އެހެންކަމުން މި ފިލްމުން ވެގެންދާނީ އިންޑިޔާގެ ދެ ސަރަހައްދު ކަމަށް ވާ ނޯތު އަދި ސައުތުގެ ދެ މީހެއްގެ ދޭތެރޭ އުފެދޭ ކްރޮސް ކަލްޗަރަލް ރޮމޭންސްއެއްކަމަށް ބެލެވެއެވެ.
މި ފިލްމު ވެގެންދާނީ އައު އަހަރަށް ޖާންވީއާއި ސިދާތުގެ ފޭނުންނަށް ލިބޭނެ އެންމެ ބޮޑު ހަދިޔާއަށެވެ.
ފަހުގެ
