--
ރައީސް ޑރ މުހައްމަދު މުއިއްޒުގެ ފަސް މިލިއަން ގަސް އިންދުމުގެ ވައުދުފުޅަށް ތާއީދުކުރުމުގެ ގޮތުން ސްޓެލްކޯއިން ކުރިޔަށްގެންދާ ހަރަކާތްތަކުގެ ތެރެއިން މިހާތަނަށް 50,000 އަށްވުރެ ގިނަ ގަސް އިންދައިފި އެވެ.
ސްޓެލްކޯގެ މެނޭޖިންގ ޑިރެކްޓަރު ހުސެއިން ފަހުމީ އެކްސްގައި މިއަދު ހިއްސާކުރި ޕޯސްޓެއްގައި ވިދާޅުވީ 5 މިލިޔަން ގަސް އިންދުމުގެ ޕްރޮގުރާމްގެ ދަށުން މިހާތަނަށް އެކުންފުނިން 52،334 ގަސް އިންދާފައިވާކަމަށެވެ. އެގޮތުން މިއަދަދަށް ގަސް އިންދާފައިވަނީ މިއަހަރުގެ ޖޫން މަހުގެ 5 ވަނަ ދުވަހުން ފެށިގެން އިއްޔެގެ ނިޔަލަށް ކަމަށް ފަހުމީ ވިދާޅުވިއެވެ.
ސްޓެލްކޯއިން ވަނީ މި ޕްރޮގުރާމްގެ ދަށުން 500،000 ގަސް އިންދުމަށް އަމާޒުހިފާފައެވެ. ފަހުމީ ވިދާޅުވި ގޮތުގައި އެކުންފުނިން މި އަމާޒަށް ވާޞިލުވުމަށްޓަކައި މަހަކު 8،340 ގަސް އިންދުމަށް ވަނީ ހަމަޖެހިފައި އެވެ.
ފަހުމީ އިތުރަށް ވިދާޅުވީ ރައީސް ކޮންމެ ވަޢުދެއްވެސް ވަނީ ކައިރިއާ އަދި ދުރު މުސްތަޤުބަލުގައިވެސް އެއިން ރައްޔިތުންނަށް ކުރާނެ ފައިދާއަށް ބަލައިގެންކަމަށެވެ.
ރައީސް މުޢިއްޒު ވަނީ މި ދައުރުގެ ތެރޭގައި 5 މިލިޔަން ގަސް ވައުދުވަޑައިގަންފައިއެވެ. މިކަމަށް ރައީސް ވައުދުވެވަޑައިގެންނެވީ މިދިޔަ އަހަރުގެ ޑިސެންބަރު މަހުގެ ގައި ކޮޕް-28 ސަމިޓުގައި ދެއްވި ތަޤުރީރުގައެވެ. މިޢި ރާއްޖެއިން ނެތެމުންދާ ގަސްތައް އަލުން އާލާކޮށް، ފެހިކަން އިތުރުކޮށް މާހައުލީ ނިޒާމު ދަމަހައްޓައި މޫސުމީ ބަދަލުތަކަށް ވިލުންތެރިކަން އިތުރުކުރުމުގެ މަޤްޞަދުގައި ފަށާފައިވާ ޕްރޮގުރާމެކެވެ. މި ޕްރޮގުރާމް ފަށާފައިވަނީ މިއަހަރުގެ ތިމާވެށީގެ ދުވަހުއެވެ.
ފަހުގެ
