
--
ސްޓެލްކޯ މެކޭނިކަލް ޓްރެއިނިން ސެންޓަރުގެ މަޝްރޫއު ހަގީގަތަކަށް ހެދުމަށް އެކުންފުނީގެ މުވައްޒަފުން ކުރަމުންދާ މަސައްކަތައް މެނޭޖިން ޑިރެޓަރު ހުސައިން ފަހުމީ ތައުރީފު ކުރައްވައިފިއެވެ.

މިއަދު އެކްސްގައި ކުރެއްވި ޕޯސްޓެއްގައި ފަހުމީ ވަނީ ތުލުސްދޫގައި ތަރައްޤީކުރަމުންދާ އެކުންފުނީގެ މެކޭނިކަލް ޓްރެއިނިން ސެންޓަރުގެ މަސައްކަތް ކުރިޔަށްދާގޮތުގެ ފޮޓޯއެއްވެސް ހިއްސާކުރައްވާފައި އެވެ.
ފަހުމީގެ ޕޯސްޓުގައި ވިދާޅުވީ މި މަޝްރޫޢުގެ ޢިމާރާތް ފަރުމާކުރުމާއި ޕްލޭންކުރުން މުޅިން ކުރެވިފައިވަނީ ސްޓެލްކޯގެ މުވައްޒަފުންގެ ފަރާތުން ކަމަށާއި މި މަޝްރޫޢުން މުވައްޒަފުންގެ ޚާއްޞަ ހުނަރުވެރިކަން ފެންނަން ހުރި ކަމަށެވެ.
”މި ވަސީލަތް ޤާއިމުކުރުމުގެ މަސައްކަތް، އޭގެ ޚިޔާލު އުފެއްދުމުން ފެށިގެން ތަންފީޒުކުރުމާ ހަމައަށް، މުޅިން ކުރިއަށް ގެންދަނީ ސްޓެލްކޯގެ މުވައްޒަފުން،“ ހުސައިން ފަހުމީ ވިދާޅުވިއެވެ.
އަދި މި މަޝްރޫޢު ޙަޤީޤަތަކަށް ހެދުމުގައި ސްޓެލްކޯގެ މުވައްޒަފުން ދައްކަމުންދާ ފާހަގަކޮށްލެވޭ މަސައްކަތްތެރިކަމާއި ވަފާތެރިކަމާއި އަޒުމަށް ފަހުމީ ތައުރީފް ކުރެއްވި އެވެ.
ގުޅުންހުރި

ތުލުސްދޫ ސްޓެލްކޯ ކޮމްޕްލެކްސް އިމާރާތްކުރުމުގެ މަސައްކަތުގެ އެއްބަސްވުމުގައި ސޮއިކޮށްފި

24 އަހަރުން ދަށުގެ ޒުވާނުންނަށް އިންޖިނިއަރިންގެ ދާއިރާއިން ކިޔަވަން ސްޓެލްކޯއިން ސްކޮލަޝިޕްތަކެއް!

ސްޓެލްކޯއިން ރާއްޖެއަށް އެނާރޖީ މެނޭޖްމަންޓް ސިސްޓަމް ތައާރަފްކޮށް އެންމެ ފަހުގެ ބެޓެރި ސްކޫޓަރު ރާއްޖެ ގެންނަނީ!
