ރާއްޖޭގެ ކަރަންޓުގެ ސިނާއަތަށް 75 އަހަރު: ފަހުމީގެ ޝުކުރު ސިނާއަތުގެ ހިދުމަތްތެރީންނަށް!
# ސްޓެލްކޯ# ހުސެއިން ފަހުމީ
--
ރާއްޖޭގެ ކަރަންޓުގެ ސިނާއަތަށް މިއަދު 75 އަހަރު ވެގެންދިޔައިރު އިންސާނީ އަދި އުމްރާނީ ތަރައްޤީއަށް ކަރަންޓުގެ ޚިދުމަތްތެރީން ކޮށްދެމުންދާ މަސައްކަތަށް ސްޓެލްކޯގެ މެނޭޖިންގ ޑިރެކްޓަރު ހުސެއިން ފަހުމީ ޝުކުރު އަދާކުރައްވައިފި އެވެ.
ފަހުމީ މިފަދައިން ވިދާޅުވީ ރާއްޖޭގެ ކަރަންޓުގެ ސިނާއަތަށް 75 އަހަރު ފުރުން ފާހަގަކުރުމުގެ ގޮތުން މިއަދު އެކްސްގައި ކުރެއްވި ޚާއްސަ ޕޯސްޓެއްގައި އެވެ.
އެގޮތުން ފަހުމީ ވިދާޅުވީ ކަރަންޓުގެ ޚިދުމަތުގެ އަލިމަސްޔޫބީލާއި ހަމަޔަށް ވާސިލްވެފައިވާއިރު، ލިބޭ އެންމެ ބޮޑު ހިތްހަމަޖެހުމަކީ ޤައުމު ބިނާކުރުމާއި، ތަރައްޤީއާއި ތަހުޒީބަށް މަގުފަހިކޮށްދީ، އިންސާނީ އަދި އުމްރާނީ ތަރައްޤީއަށް ކަރަންޓުގެ ޚިދުމަތްތެރީން އިޚްލާޞްތެރިކަމާއެކު ކޮށްދީފައިވާ އަދި ކޮށްދެމުންގެންދާ އަގުހުރި މަަސައްކަތްތައް ކަމަށެވެ. އަދި މި ކާމިޔާބީގެ ވާހަކަތައް ތާރީޚުގައި ލިޔެވިގެންދާއިރު، މި ސިނާއަތުގައި މަސައްކަތްކުރައްވާ މުވައްޒަފުންނާމެދު ފަޚުރުވެރިވާކަމަށް ފަހުމީ ވިދާޅުވިއެވެ.
" ޝައްކެއްނެތް ގޮތުގައި، އެކިއެކި ގޮންޖެހުންތަކާ ކުރިމަތިލައްވައިގެން، ކާމިޔާބީގެ ހަރުފަތްތައް ގިރާކުރައްވަމުން އަލިމަސް ޔޫބީލްއާ ހަމައަށް ވާޞިލުވުމުގައި، މި ސިނާއަތުގައި އެކި ދުވަސްވަރު މަސައްކަތްކޮށްދެއްވާފައިވާ ބޭފުޅުން ޤައުމާއި ރައްޔިތުންގެ ކުރިއެރުމަށް ކޮށްދެއްވި ޚިދުމަތްތަކަށާއި، އަދި މިހާރު ތިއްބެވި ބޭފުޅުން މެދުކެނޑުމެއް، ފޫހިކަމެއް އަދި ވަރުބަލިކަމެއްނެތި ކޮށްދެއްވަމުންގެންދަވާ އަގުހުރި ޚިދުމަތްތަކަށް އިޚްލާޞްތެރިކަމާއެކު ޝުކުރު ދަންނަވަން."
ފަހުމީ އިތުރަށް ވިދާޅުވީ ރައީސުލް ޖުމްހޫރިއްޔާ ޑރ. މުޙައްމަދު މުއިއްޒުގެ ވެރިކަމުގައި މި ސިނާއަތުގެ ކުރިމަގު އޮތީ ވަރަށްވެސް އުޖާލާކޮށް ކަމަށެވެ.
ފަހުގެ
