--
ޝާހްރުކް ޚާންގެ ގެ، މަންނަތަކީ މުމްބާއީގެ އެންމެ މަގުބޫލު އެއް ޕްރޮޕަޓީއެވެ. ކޮންމެ ދުވަހަކު ވެސް ޝާހް ކުޑައިރުކޮޅަކަށް ވިޔަސް ފެނިލާތޯ ގޭގެ ބޭރުގައި ގިނަ އަދަދެއްގެ ސަޕޯޓަރުން ތިބެއެވެ.
އެނގިފައިވާ ގޮތުގައި ޝާހް އާއި އޭނާގެ އަންހެނުން ގޯރީ ޚާން މިހާރު އަންނަނީ 25 ކްރޯޑް ރުޕީސްގެ އާ ދެ ފަންގިފިލާއާ އެކު މަންނަތު އިތުރަށް ބޮޑުކުރަން ވިސްނަމުންނެވެ.
އިންޑިޔާގެ ނޫހަކުން ދާދި ފަހުން ރިޕޯޓްކޮށްފައިވާ ގޮތުގައި ގޯރީ ޚާން ވަނީ 2024 ވަނަ އަހަރުގެ ނޮވެމްބަރު މަހު މަހާރާޝްތުރާ ކޯސްޓަލް ޒޯން މެނޭޖްމަންޓް އޮތޯރިޓީއަށް އެޕްލިކޭޝަނެއް ހުށަހަޅައި، މިހާރު ހުރި އިމާރާތަށް އާ ދެ ފަންގިފިލާ އިތުރުކުރުމުގެ ހުއްދައަށް އެދިފަ އެވެ.
މަންނަތަކީ 1914 ވަނަ އަހަރު ބިނާ ކޮށްފައިވާ ހެރިޓޭޖް ޕްރޮޕަޓީއެކެވެ. 2091.38 އަކަ މީޓަރުގެ މި ރެސިޑެންސްއަކީ މިހާރު ހަ ބުރީގެ ޒަމާނީ އިމާރާތެކެވެ. ހުއްދަ ދީފިނަމަ ހަތް ވަނަ ފަންގިފިލާ އާއި އަށް ވަނަ ފަންގިފިލާ ބޮޑުކުރަން ގާތްގަނޑަކަށް 25 ކްރޯޑް ރުޕީސް ހަރަދުވާނެ ކަމަށް ރިޕޯޓުތައް ބުނެއެވެ.
ޝާހް މިހާރު އަންނަނީ އޭނާގެ ކުރިއަށް އޮތް ފިލްމު "ކިންގް" ގެ ޝޫޓިންއަށް ތައްޔާރުކުރަމުންނެވެ. އެ ފިލްމަކީ ސުޖޯއި ގޯޝް ޑައިރެކްޓްކޮށް ސިދާތު އާނަންދު އާއި ގޯރީ ޚާން ޕްރޮޑިއުސްކުރާ އެކްޝަން ތުރިލާ އެކެވެ. މި ފިލްމުގައި ޝާހް ފުރަތަމަ ފަހަރަށް އޭނާގެ އަންހެން ދަރިފުޅު ސުހާނާ ޚާނާ އެކު ސްކްރީން ޝެއާ ކުރާނެ އެވެ. މީގެ އިތުރުން އަބީޝެކް ބައްޗަން އާއި އަބޭ ވަރުމާ ވެސް މި ފިލްމުގެ ކާސްޓުންގެ ތެރޭގައި ހިމެނެ އެވެ.
"ކިންގް" ގެ ޕްރޮޑިއުސަރުން ގެންދަނީ 2026 ވަނަ އަހަރުގެ އީދަށް ރިލީޒްކުރަން މަސައްކަތް ކުރަމުންނެވެ.
މީގެ އިތުރުން ޑިސެމްބަރު 20، 2024 ގައި ސިނަމާތަކުގައި ރިލީޒްކުރާ "މުފާސާ: ދަ ލަޔަން ކިންގް" ގެ ހިންދީ ވާޝަނަށް ވެސް ޝާހް ވަނީ އަޑު އަޅާފަ އެވެ.
ފަހުގެ
