ތުރުކީ މަގުން ސީރިއާއަށް ހަތިޔާރު އެތެރެކުރަން އުޅުނު އުޅަނދުތަކަކަށް ތުރުކީ އަސްކަރިއްޔާއިން ހަމަލާދީފި

ތުރުކީ މަގުން ސީރިއާއަށް ހަތިޔާރު އެތެރެކުރަން އުޅުނު އުޅަނދުތަކަކަށް ތުރުކީ އަސްކަރިއްޔާއިން ހަމަލާދީފި އެވެ.

ތުރުކީގެ ސަލާމަތީ މަސްދަރަކާ ހަވާލާދީ ރޮއިޓާސް ނިއުސް އެޖެންސީން ބުނެފައިވަނީ ތުރުކީގެ ޖާސޫސީ އިދާރާއިން ހިންގި އޮޮޕަރޭޝަނެއްގައި ސީރިޔާގެ އިރުއުތުރުގައި ކުރުދީ ވައިޕީޖީ ގެ ލަޝްކަރުން ގެންގުޅޭ މިސައިލާއި ބަރު ހަތިޔާރު ބަރުކޮށްފައިވާ 12 ޓްރަކާއި ދެ ޓޭންކަށް އަމާޒުކޮށް ހަމަލާދީ ހަލާކޮކޮށްލާފައިވާ ކަމަށެވެ.

ރިޕޯޓުތައް ބުނާ ގޮތުގައި އެހަތިޔާރުތަކަކީ ސީރިޔާގެ ވެރިކަމުން ދުރުކޮށްފައިވާ ރައީސް ބައްޝާރުލް އަސަދުގެ ސިފައިން ސީރިޔާގެ އިރުއުތުރުގައި އޮންނަ ކަމިޝްލީގެ ސަރަހައްދު ދޫކޮށްލައި ދަމުން އެސަރަހައްދަށް ދޫކޮށްލާފައި ދިޔަ ހަތިޔާރުތަކެކެވެ.

ކުރުދީ ޕީޕަލްސް ޕްރޮޓެކްޝަން ޔުނިޓްސް (ވައިޕީޖީ) އަކީ އެމެރިކާގެ ތާއީދު ލިބޭ ސީރިއަން ޑިމޮކްރެޓިކް ފޯސަސް އުފެއްދި ޖަމާއަތްތަކުގެ ކޯލިޝަންގައި އިސްކޮށް ހަރަކާތްތެރިވާ ޕާޓީއެކެވެ.ސޫރިޔާގެ އިރުއުތުރު އެ ޖަމާއަތުގެ ބާރުގެ ދަށުގައި އޮންނަތާ އެތައް އަހަރެއް ވަނީ ވެފައި އެވެ.