ދާހިލީ ހަމަނުޖެހުންތަކެއްގެ ތެރޭގައި މިވަގުތު އޮތް ސީރީއާ އާއި އިރާގު ގުޅޭ ބޯޑަރު ބަންދުކޮށްފި އެވެ.
ސީރިއާގެ ހުދުމުހުތާރު ވެރިޔާ ރައީސް އަލްއަސަދުގެ ސަރުކާރު ވައްޓާލުމާ އެކު އިރާގުން މިއަދު ނެރުނު ބަޔާނެއްގައި ބުނީ ސީރިއާއާ ގުޅިފައި އޮންނަ ބޯޑަރު ބަންދުކޮށް ރައްކާތެރިކަމުގެ ފިޔަވަޅުތައް ވަރުގަދަކޮށްފައިވާ ކަމަށެވެ.
އިރާގުގެ ރަސްމީ ނިއުސް އެޖެންސީން ރިޕޯޓްކޮށްފައިވާ ގޮތުގައި އަލްގައިދާ ކްރޮސިން "މުޅިން ބަންދުކޮށް އިރާގުގެ ބޯޑަރު އެގައުމުގެ ސަލާމަތީ ބާރުތަކުން ވަނީ މިހާރު ރައްކާތެރިކޮށްފަ" އެވެ. އިރާގުގެ ބޯޑަރ ގާޑް ކޮމާންޑުން ނެރުނު ބަޔާނެއްގައި ބުނީ ބޯޑަރު ސަރަހައްދުގައި އިތުރު އެއްވެސް ބާރެއް ބޭނުން ނުވާ ކަމަށާއި ބޭނުންވާ މިންވަރަށް މިވަގުތު ބޯޑަރު ސަރަހަދުގައި ގާޑުން ތިބި ކަމަށެވެ.
މީގެ އިތުރުން އިރާގުގެ ރަސްމީ ނޫސް އެޖެންސީން ރިޕޯޓްކޮށްފައިވާ ގޮތުގައި ސީރިއާގެ ވެރިރަށުގައި ހުންނަ އިރާގު އެމްބަސީ އިމާރާތް މިހާރު ވަނީ ހުސްކޮށް މުވައްޒަފުން ލުބުނާނަށް ބަދަލުކޮށްފައެވެ އިރާގުން އެމަބަސީ ބަންދުކުރި އިރު އިރާން އެމްބަސީއަށްވެސް ހަތިޔާރު އެޅި ބަޔަކު ވަދެ ގެއްލުންދީފައިވާ ކަމުގެ ރިޕޯޓުތަކެއްވެސް ދަނީ ދައުރުވަމުންނެވެ.
ސީރިއާގެ ވެރިކަން ފާއިތުވި 24 އަހަރު ކުރި ބަޝްއާރު އަލް އައްސަދުގެ ވެރިކަން މިއަދު ވަނީ ނުމަކަށް އައިސްފައި އެވެ. އެގޮތުން އެގައުމުގެ ވެރިކަމާއި ދެކޮޅަށް ހަނގުރާމަވެރިން ނުކުމުގެ ވެރިރަށް ދިމިޝްގުގެ ކޮންޓްރޯލް ނެގުމާއި އެކު ބަޝްއާރު އަލް އައްސަދު ވަނީ ގައުމު ދޫކޮށް ފިއްލަވާފައި އެވެ.
ފަހުގެ
