--
ދިޕިކާ ޕަދުކޯން ވިހެއި ފަހުން އޭނާގެ ހުރިހާ ވަގުތެއް ހުސްކޮށްފައި އަލަތު ދަރިފުޅާއި އެކުގައިއެވެ. މާބަނޑު ދުވަސްވަރު ގިނަ ޕްރޮޖެކްޓްތަކެއްގައި މަސައްކަތް ކުރި ނަމަވެސް ވިހެއިފަހުން އަދި އެއްވެސް ވަރަކަށް ދިޕިކާ އާންމުންނަށް ފެނިފައިއެއް ނުވެއެވެ.
ނަމަވެސް ދާދި ފަހުން ދިޕިކާ ވަނީ ޕަންޖާބުގެ މަޝްހޫރު ލަވަކިޔުންތެރިޔާ އަދި ބޮލީވުޑްގެ ހިޓް ފިލްމުތަކުންވެސް ފެނިގެން ގޮސްފައިވާ ދިލްޖީތު ދޮސަންޖްގެ ބެންގަލޫރުގައި އޮތް ކޮންސެޓުގައި އާންމުންނަށް ފެނިލާފައިއެވެ. މި ކޮންސެޓްުގެ ބައެއް މަންޒަރުތައް މިހާރުވަނީ ސޯޝަލް މީޑިޔާގައި ވަރަށް ބޮޑަށް ވައިރަލްވެފަ އެވެ.
ދީޕިކާ އަށް ސްޓޭޖުން ދިލްޖީތު މަރުހަބާ ކިޔުމުން އޭނާގެ ފޭނުންނަށް ބޮޑު ސަޕްރައިޒެއް ލިބުނެވެ. ސްޓޭޖުގައި ދެތަރިން ވަނީ އުފާވެރި ވަގުތުތަކެއް ހޭދަކޮށްފައިއެވެ. އަދި ދިޕިކާ ވަނީ އޭނާގެ ފޭނުންނާ މުހާތަބުކޮށްވެސް ވާހަކަދައްކާފައިއެވެ. އަދި ދިލްޖީތުވެސް ވަނީ ދީޕިކާއަށް ތައުރީފުކޮށް ވާހަކަދައްކާފައިއެވެ.
ދަރިފުޅު, ދުއާ ވިހެއުމަށް ފަހު ފުރަތަމަ ފަހަރަށް ދީޕިކާ ފެނުނު އިރު އޭނާ ހުރީ ވަރަށް އާދައިގެ މޭކަޕެއްގައި ހުދު ކުލައިގެ ސްވެޓްޝާޓަކާއި ނޫކުލައިގެ ޑެނިމްއެއްގައި ސްނީކާސް އަށް އަރައިގެންނެވެ.
ދީޕިކާ އެންމެ ފަހުން ފެނިގެންގޮސްފައި ވަނީ ރޯހިތު ޝެޓީގެ ފިލްމް "ސިންގަމް އެގެއިން" އިންނެވެ.
ފަހުގެ
