އައްޑޫ އާއި ކޫއްޑޫއަށް މިމަހުގެ 15 ނިޔަލަށް ކިރުވި މަހަށްވާ ފައިސާ މަސްވެރިންނަށް ޖަމާކޮށްފި

މިމަހުގެ 15 ވަނަ ދުވަހުގެ ނިޔަލަށް އައްޑޫއާއި ކޫއްޑޫ ފިޝަރީޒް ކޮމްޕްލެކްސްއަށް މަސްވެރިން ކިރުވި މަހަށްވާ ފައިސާ މިހާރު ދޫކޮށްފައިވާ ކަމަށް މިފްކޯއިން ބުނެފި އެވެ.

މިފްކޯއިން މިއަދު ބުނީ 28 ވަނަ ދުވަހުން ފެށިގެން ނޮވެމްބަރު 15 ވަނަ ދުވަހުގެ ނިޔަލަށް މި ދެ ކޮމްޕެކްސްއަށް މަސްވެރިން ކިރާފައިވަނީ 1919 މެޓްރިކްސް ޓަނަށްވާ މަސްކަމަށާއި އެއީ 28،708،407ރ ގެ މަސް ކަމަށެވެ.

މިގޮތުން މިފައިސާއިން ތެލަށް 5،786،266ރ. ކެނޑުމަށް ފަހު 22،922،141 މިލިއަން ރުފިޔާ މަސްވެރިންނަށް މިހާރު ސަރުކާރުން ޖަމާކޮށްދީފައިވާ ކަމަށް މިފްކޯއިން ވަނީ ބުނެފައި އެވެ.

މީގެ އިތުތުން ފެލިވަރަށް އޮކްޓޯބަރު މަހުގެ 28 އިން ނޮވެމްބަރު 15 އަށް ކިރުވި މަހަށް ދައްކަން ޖެހޭ 30 މިލިއަން ރުފިޔާ ދެއްކުމަށް މަސައްކަތް ކުރަމުންދާ ކަަންވެސް އެކުންފުނިން ވަނީ ހާމަކޮށްފައެވެ.

މިއަދު ޖަމާކޮށްދިން ފައިސާއާ މިސަރުކާރުން މިހާތަނަށް މަސްވެރިންނަށް މިހާރު ވަނީ 918 މިލިއަނަށް ވުރެ ގިނަ ރުފިޔާ ޖަމާކޮށްދީފައި އެވެ.