ގާފަރު ސްކޫލާއި ދަނގެތީ ސްކޫލުގެ ބައެއް ދަރިވަރުން ފުލުހުންގެ އިދާރާއަށް ޒިޔާރަތްކޮށްފި

ކ. ގާފަރު ސްކޫލާއި އދ. ދަނގެތީ ސްކޫލު ބައެއް ދަރިވަރުން ފުލުހުންގެ އިދާރާއަށް ޒިޔާރަތްކޮށްފިއެވެ.

މި މަހު 26 ވަނަ ދުވަހު ދެ ސްކޫލުގެ ދަރިވަރުން އިސްކަންދަރު ބިލްޑިންގއަށް ކުރި މި ޒިޔާރަތުގައި ފުލުހުންގެ އިދާރާގައި ހުރި ވަޒީފާގެ ފުރުސަތުތަކާއި ފޮރެންސިކް މަސައްކަތްތަކާ ގުޅޭގޮތުން މައުލޫމާތު ދީފައިވެއެވެ

އެގޮތުން، ފުލުހުންގެ އިދާރާ މައިގަނޑު ގޮތެއްގައި ބެހިފައިވާ ދާއިރާތަކާއި، ފުލުހުންގެ ދައުރަކީ ކޮބައިކަމާއި، މި ދާއިރާގައި ދަރިވަރުންނަށް ހުރި ފުރުސަތުތަކުގެ މައުލޫމާތު ހިއްސާކޮށްފައިވެއެވެ. އަދި ސްކޫލު ދައުރު ނިމި ވަޒީފާގެ މައިދާނަށް ނުކުންނައިރު ވިސްނަންޖެހޭ ކަންކަމުގެ މައުލޫމާތު ވެސް ހިއްސާކޮށްފައިވެއެވެ.

އަދި މި ޚިދުމަތުގެ ފޮރެންސިކް ޑިޕާޓްމަންޓުގެ މަސައްކަތްތަކާއި އެކި ސީންތަކުން ފޮރެންސިކް ހެކި ހޯދުމުގައި އަމަލުކުރާ ގޮތްތައް ބުނެދީފައިވެއެވެ. އަދި ފިންގަރ ޕްރިންޓު ނަގާ ގޮތްތައް ވެސް ކިޔައިދީފައިވެއެވެ.

މި ޒިޔާރަތުގައި ދެ ސްކޫލުން 38 ދަރިވަރުން ބައިވެރިވިއެވެ. އެއީ ގާފަރު ސްކޫލުގެ 23 ދަރިވަރުންނާއި ދަނގެތީ ސްކޫލުގެ 15 ދަރިވަރުންނެވެ.