ޖިންސީ ގޯނާ އާއި ދެކޮޅަށް ރާއްޖޭގައި ކުރިޔަށް ގެންދިޔަ އިހްތިޖާޖެއް
10 އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައާއި ގުޅިގެން ރޭ ހައްޔަރުކުރި މީހާގެ ބަންދުގެ މައްދަތު ޖަހައިފި އެވެ.
ފުލުހުން މިއަދު ބުނީ ސައުތު ސެންޓްރަލް ޕޮލިސް ގައި ހިމެނޭ މ,ފ,ދ,ތ, އަދި ލ އަތުޅުގެ ތެރެއިން އަތޮޅެއްގެ ރަށެއްގައި 10 އަހަރުގެ އަންހެން ކުއްޖަކަށް ޖިންސީގޯނާ ކުރި ކަމަށް ތުހުމަތު ކުރެވޭ މައްސަަލެއް އިއްޔެ ހުށަހަޅާފައިވާ ކަމަށެވެ.
އެގޮތުން މި މައްސަލައާއި ގުޅިގެން 51 އަހަރުގެ ދިވެހި ފިރިހެނަކު އިއްޔެގެ ވަގުތެއްގައި ހައްޔރުކޮށް މި މައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ވަނީ ބުނެފައި އެވެ.
ފުލުހުން މިރޭ ބުނީ މި މައްސަލާއި ގުޅިގެން ހައްޔަރުކުރި މީހާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމް 30 ދުވަހަށް ބަންދުކުރަން ކޯޓުން އަމުރު ކޮށްފައިވާ ކަމަށެވެ.
ދާދި ފަހަކަށް އައިސް ފުލުހުންގެ ހައްޔަރަށް ގެންނަ ފަރާތްތަކުގެ ވަނަވަރު ފުލުހުން އާންމު ކުރި ނަމަވެސް މި މައްސަލައާއި ގުޅިގެން ހައްޔަރުކުރި މީހާގެ ވަނަވަރު އަދި މިހާތަނަށް ހާމަކޮށްފައެއް ނުވެއެވެ. މައުލޫމާތު ލިބިފައިވާ ގޮތުގައި އެކުއްޖާއަށް ޖިންސީ ގޯނާ ކުރީ އެ ކުއްޖާ ދާ ޤުރުއާން ކުލާސް ހިންގާ ޤާރީ އެވެ.
ފަހުގެ
