--
ރާއްޖޭގެ މައި ހޮސްޕިޓަލް, ދަރުމަވަންތަ ހޮސްޕިޓަލް ކައިރީ މޫދުން ޒަހަމްވެފައި އޮތްވާ މިއަދު ފެނުނު މީހާ ނިޔާވެއްޖެ އެވެ.
ފުލުހުން މިއަދު މެންދުރު ބުނީ ދަރުމަވަންތަ ހޮސްޕިޓަލް ކައިރީ ބޭރު ތޮށި މޫދުން އަނިޔާވެފައި އޮތް މީހަކު ފެނިގެން އެމީހާ ވަނީ އައިޖީއެމްއެޗް އަށް ގެންގޮސްފައިވާ ކަމަށެވެ. އަދި އެއީ ދިވެހި ފިރިހެނެއް ކަމަށްވެސް ފުލުހުން ވަނީ ބުނެފައި އެވެ. ފުލުހުން ބުނީ އެމީހާގެ ބޮލަށް އަނިޔާވެފައިވާ ކަމަށް ހޮސްޕިޓަލުން މައުލޫމާތު ދޭކަމަށާއި އަނިޔާވެފައިވަނީ އުޅަނދެއްގައި ޖެހިގެން ކަމަށް ބެލެވޭ ކަމަށެވެ.
ދާދި ދެންމެ އަކު މިޑިއާތަކަށް ފުލުހުން ފޮނުވި މެސެޖެއްގައި ވިދާޅުވީ އައިޖީއެމްއެޗްގައި ފަރުވާދެމުން ދަނިކޮށް އެމީހާ ނިޔާވެފައިވާ ކަމަށް ހޮސްޕިޓަލުން މައުލޫމާތީފައިވާ ކަމަށެވެ.
ރާއްޖޭގެ ބައެއް ނޫސްތަކުން މިއަދު ރިޕޯޓު ކުރި ގޮތުގައި އެމީހާއަށް ޒަހަމްވީ އެސަރަހައްދުން ވަތް ކޮޅުވެއްޓިއެއްގައި ޖެހިގެންނެވެ. ނަމަވެސް މިކަން އަދި މިހާތަނަށް ފުލުހުން ކަށަވަރުކޮށްދީފައެއް ނުވެއެވެ.
އިތުރު ތަފްސީލް އަންނަނީ ..
ފަހުގެ
