ދަރުމަވަންތަ ހޮސްޕިޓަލް ކައިރީ މޫދުން ޒަހަމްވެފައި އޮތް ދިވެއްސަކު ފެނިއްޖެ

ރާއްޖޭގެ މައި ހޮސްޕިޓަލް, ދަރުމަވަންތަ ހޮސްޕިޓަލް ކައިރީ މޫދުން ޒަހަމްވެފައި އޮރް މީހަކު ފެނިއްޖެ އެވެ.

ފުލުހުން ދާދި ދެންމެ އަކު ބުނީ ދަރުމަވަންތަ ހޮސްޕިޓަލް ކައިރީ ބޭރު ތޮށި މޫދުން އަނިޔާވެފައި އޮތް މީހަކު ފެނިގެން އެމީހާ ވަނީ އައިޖީއެމްއެޗް އަށް ގެންގޮސްފައިވާ ކަމަށެވެ. އަދި އެއީ ދިވެހި ފިރިހެނެއް ކަމަށްވެސް ފުލުހުން ވަނީ ބުނެފައި އެވެ.

ފުލުހުން ބުނީ އެމީހާގެ ބޮލަށް އަނިޔާވެފައިވާ ކަމަށް ހޮސްޕިޓަލުން މައުލޫމާތު ދޭކަމަށާއި އަނިޔާވެފައިވަނީ އުޅަނދެއްގައި ޖެހިގެން ކަމަށް ބެލެވޭ ކަމަށެވެ.

އަދި މައްސަލަ އިތުރަށް ތަހުގީގު ކުރަމުން އަންނަ ކަމަށް ފުލުހުން ވަނީ ބުނެފައި އެވެ.