--
ލުބުނާނާއި ދެކޮޅަށް ހަނގުރާމަ އިއުލާނުކޮށް ނިރުބަވެރި އިޒްރޭލުގެ އަސްކަރިއްޔާއިން ދެމުންދާ ހަމަލާތަކުގެ ތެރެއިން މިއަދު ލުބުނާނަށް ނިރުބަވެރިން ގިނަ ހަމަލާތަކެއް ދީފި އެވެ.
ރިޕޯޓުތައް ބުނާގޮތުގައި އިޒްރޭލު އަސްކަރިއްުޔާއިން މިއަދު ހެނދުނުން ފެށިގެން ހުއްޓުމެއްނެތި ލުބުނާނުގެ ގިނަ ސަރަހައްދުތަކަށް އަންނަނީ ވައިގެ މަގުން ހަމަލާތައް ދެމުންނެވެ. އޭގެ ތެރެއިންވެސް އެންމެ ގިނަ ހަމަލާތަކެއް އަމާޒުވެފައިވަނީ ލުބުނާނުގެ ވެރިރަށް ބެއިރޫތުގެ ސަރަހައްދުތަކަށެވެ.
އިޒްރޭލުގެ އަސްކަރިއްޔާއިންވެސް މިއަދު ވަނީ ލުބުނާނަށް 70 އާއި ގާތްކުރާ އަދަދަކަށް ވައިގެ ހަމަލާދީފައިވާކަން ކަށަވަރުކޮށްދީފައި އެވެ. އެގޮތުން މިއަދުގެ ހަމަލާތަކަކީ ހިޒްބުالله ގެ ބާރު ހިނގާ ސަރަހައްދުތަކަށް އަމާޒުކޮށް ދިން ހަމަލާތަކެއް ކަމަށް އިޒްރޭލުން ދަނީ ބުނަމުންނެވެ.
ނަަމަވެސް ހިޒްބުالله ގެ ސިޔާސީ ލީޑަރަކު މީގެ އިރުކޮޅެއް ކުރިން ވަނީ އެކަން ދޮގުކޮށްފައެވެ. ލުބުނާނުގެ ގާނޫނު ހަދާ މަޖިލީހުގައި ހިމެނިވަޑައިގަންނަވާ ހިޒްބުالله ގެ ސިޔާސީ ގޮތްޕަަށް ނިސްބަތްވާ މެމްބަރަކު އަލްޖަޒީރާއަށް މައުލޫމާތު ދެއްވަމުން ވިދާޅުވީ ހިޒްބުالله ގެ އަމާޒުތަކަށް ހަމަލާދިން ކަމަށްބުނެ އިޒްރޭލުން ފަތުރަމުންދަނީ ދޮގު ހަބަރެއް ކަމަށެވެ.
މިއަދުގެ ހަމަލާތަކުގައި މިއަދުގެ މިވަގުތާއި ހަމައަށް ލުބުނާނުން 40 އަށްވުރެ ގިނަ މީހުން ޝަހީދުވެފައިވާ ކަމަށް ރިޕޯޓުތައް ބުނެއެވެ.
ލުބުނާނަށް ވަރުގަދަ ހަމަލާތަކެއް އިޒްރޭލުން ދިން އިރު ލުބުނާނަށް ދޭ ހަމަލާތައް ހުއްޓާލުމަށް ސީޒްފަޔާ އެއްބަސްވުމެއް މިއަދު އިޒްރޭލުގެ މަޖިލީހަށް ހުށަހަޅައި ބަހުސް ވަނީ ފަށާފައި އެވެ.
ގުޅުންހުރި
މިއަދު އެކަނިވެސް ޔަހޫދީންގެ 70 އަށްވުރެ ގިނަ ވައިގެ ހަމަލާ ލުބުނާނަށް!
އިރާނުގެ ސުޕްރީމް ލީޑަރުގެ އަރިސް އެޑްވައިޒަރަކު ކުއްލި ގޮތަކަށް ލުބުނާނަށް!
ލުބުނާނުގެ ޓަޔަރަށް އިސްރާއީލުން ދިން ހަމަލާތަކުގައި ހަތް މީހުން ޝަހީދުވެއްޖެ, ކުޑަ ދެ އަންހެން ކުދިންވެސް ހިމެނޭ!
އިރާނުގެ ގަނޫނު ހަދާ މަޖިލީހުގެ ރައީސް ރަސްމީ ދަތުރުފުޅެއްގައި ލުބުނާނަށް!
ފަހުގެ
