އެފްއެސްއެމްގެ އެމްޑީގެ މަގާމުން ސުހައިލް އިސްތިއުފާދީފި

ރާއްޖޭގެ ތެލުގެ މައި ކުންފުނި ފިއުލް ސަޕްލައި މޯލްޑިވްސް (އެފްއެސްއެމް) ގެ މެނޭޖިން ޑިރެކްޓަރުގެ މަގާމުން އިސްމާއިލް ސުހައިލް އިސްތިއްުފާ ދެއްވައިފި އެވެ.

ގާފު ނޫހަށް މައުލޫމާތު ލިބިފައިވާ ގޮތުގައި ސުހައިލް މަގާމުން އިސްތިއުފާ ދެއްވި މިއަދުގެ ވަގުތެއްގައި އެވެ. މިކަން އެފްއެސްއެމްގެ ބެލެނެވެރި ކުންފުނި އެސްޓީއޯއިން ވަނީ ކަށަވަރުކޮށްދީފައި އެވެ.

އެފްއެސްގެ އެމްޑީ ކޮރަޕްޝަނަށް މަގު ފަހިވާ ގޮތަށް ފައިސާއާއި މަގާމުގެ ނުފޫޒު ބޭނުންކޮށްގެން ހޯދަމުންދާ ކަމަށް ބުނެ ތުހުމަތު ތަކެއް ދާދި ފަހުން ވަނީ ފެންމަތިވެފައި އެވެ. އޭގެ ތެރޭގައި ފިއުލް ސަޕްލައި މޯލްޑިވްސް (އެފްއެސްއެމް)ގެ މެނޭޖިންގ ޑިރެކްޓަރ (އެމްޑީ) އިސްމާއިލް ސުހައިލް އާއި ގާތް ގުޅުމެއް އޮންނަ ދެ މީހަކު އެ ކުންފުނީގެ ގުދަނުގައި ހުރި މަސްދަޅުތަކެއް ވަގަށް ނެގި މައްސަލައެއްވެސް ހިމެނެއެވެ. ނަމަވެސް ސުހެއިލް ވަނީ އެ ތުހުމަތުތައް ދޮގުކުރައްވާފައި އެވެ.

ނަމަވެސް މައުލޫމާތު ލިބޭގޮތުގައި ސުހެއިލް އިސްތިއުފާދެއްވި އިރު އޭނާގެ މައްސަލައެއް އެސްޓީއޯއިން ދިޔައީ ބަލަމުންނެވެ.

އެފްއެސްެއެމްގެ އެމްޑީގެ މަގާމަށް ސުހެއިލް އައްޔަނުކުރީ ރައީސް މުއިއްޒު ސަރުކާރާއި ހަވާލުވެވަޑައިގެން 2023 ވަނަ އަހަރުގެ ނޮވެމްބަރު މަހުގެ 28 ވަނަ ދުވަހު އެވެ.

އެޑިޓަރުގެ ނޯޓު: މި ހަބަރު ފުރަތަމަ ޝާއިއުކުރެވުނު އިރު ސުހެއިލް މަގާމުން ވަކިކުރިކަމަށް ޖެހިފައިވަނީ ލިބުނު މައުލޫމާތުގެ ކުށަކުންނެވެ.