ރާއްޖޭގެ ކަނޑުގެ ސަރަހައްދުން އަތުލައިގަތް ބޯޓުން 468 ކިލޯގެ މަސްތުވާތަކެތި ފެނިއްޖެ

ރާއްޖޭގެ ކަނޑުގެ ސަރަހައްދުން އަތުލައިގަތް ބޯޓުން 468 ކިލޯގެ މަސްތުވާތަކެތި ފެނިއްޖެ އެވެ.

މިކަން ދާދި ދެންމެ އަކު ހާމަކުރެއްވީ އިސްކަންދަރު ކޮށީގައި މިހާރު ކުރިޔަށްދާ ނޫސްވެރިންގެ ބައްދަލުވުމުގައި ފުލުހުންގެ ސީޕީ ޢަލީ ޝުޖާއު އެވެ.

ސީޕީ ސުޖާއު ވިދާޅުވީ ހދ މަކުނުދޫ ބޭރުން ސްރީލަންކާގެ މަސްބޯޓެއް ކަމަށް ބެލެވޭ މަސްބޯޓެއް އަތުލައިގެންފައިވާ ކަމުގެ ރިޕޯޓު ސިފައިން ރޭ ދަންވަރު 12:40 ހާއިރު ފުލުހުންނަށް ދީފައިވާ ކަމަށެވެ. އަދި އެބޯޓު މިއަދު ހެނދުނު ކުޅުދުއްފުށީ ސިޓީގެ ބަނދަރަށް ގެނައުމާއި އެކު ހެނދުނު 09:30 ހާއިރު ފުލުހުންނާއި ސިފައިން އެކުގައި ބޯޓަށް އަރައި ބަލާފާސްކުރުމުގެ ތެރޭގައި 468.6 ކިލޯގެ މަސްތުވާތަކެތި ފެނިފައިވާ ކަމަށެވެ.

އެގޮތުން ފެނުނު މަސްތުވާތަކެތި ތަހުގީގުގެ ފުރަތަމަ މަރުހަލާގައި ޓެސްޓު ކުރި އިރު އެތަކެތި މަސްތުވާތަކެތީގެ ބާވަތެއް ކަމަށްވާ މެތަށާއި ކޮކެއިންއަށް ޕޮސިޓިވް ވެފައިވާ ކަމަށް ސީޕީ ވިދާޅުވިއެވެ. އެގޮތުން އެބޯޓުން ފެނުނު މަސްތުވާތަކެތީގެ ތެރޭގައި ހިމެނެނީ 344 ކިލޯގެ މެތާއި 124 ކިލޯގެ ކޮކެއިން ކަމަށް މިހާތަނަށް ތަހުގީގަށް އެނގިފައިވާކަން ސީޕީ ހާމަކުރެއްވި އެވެ.

ރާއްޖޭގެ ކަނޑުގެ ސަރަހައްދުން އަތުލައިގެން މި ބޯޓުގައި ތިބީ ލަންކާއަށް ނިސްބަތްވާ 5 މީހުންނެވެ.

އިތުރު ތަފްސީލް އަންނަނީ ..