--
މިހާރު ރާއްޖެއަށް ކުރަމުންދާ ވިއްސާރާގައި ނ މާފަރަށް ބޮޑެތި ގެއްލުންތަކެއް ލިބިފައިވާ ކަމަށް ނެޝަނަލް ޑިޒާސްޓަރ މެނޭޖްމެންޓު އޮތޯރިޓީއިން ހާމަކޮށްފައި އެވެ.
އެންޑީއެމްއޭއިން މިއަދު އެކްސްގައި ކުރި ޕޯސްޓެއްގައި ބުނީ މިހާރު ރާއްޖެއަށް ކުރަމުންދާ ވިއްސާރައާއި ގުޅިގެން ނ.މާފަރުގައި ފެންބޮޑުވެ، 5 ގެއަކަށް ފެންވަދެގެން ރިޕޯޓްކޮށްފައިވާ ކަމަށެވެ.
އަދި އޭގެ ތެރެއިން ގެއްލުން ލިބުނު 1 ގެއެއްގެ މީހުން އެހެން ގެއަކަށް ބަދަލުކޮށްފައިވާކަމަށް މާފަރު ކައުންސިލުން މަޢުލޫމާތު ދީފައިވާކަންވެސް ވަނީ ހާމަކޮށްފައެވެ.
އެއިދާރާއިން އިތުރަށް ބުނީ ރަށު ކައުންސިލާއި، ފުލުހުންނާއި އަދި އެމް.އެން.ޑީ.އެފް ގެ އެހީތެރިކަމާއެކު، ޕަންޕް ބޭނުންކޮށްގެން ރަށު ތެރެއިން ފެން ހިންދުމުގެ މަސައްކަތްދަނީ މިހާރު ވެސް ދަނީ ކުރަމުން ކަމަށެވެ.
ރާއްޖެއަށް މިހާރު ކުރަމުން އަންނަ ވިއްސާރާގައި އުތުރާއި މެދު ރާއްޖެ ތެރޭގެ ބައެއް ރަށްތަކަށް ބޮޑެތި ގެއްލުންތަކެއް ވަނީ ވެފައި އެވެ.
ފަހުގެ
