ހޯމްޓީމްގެ އާއިލީ ހަވީރު މިއަދު ހުޅުމާލޭގައި!

ސަރުކާރުގެ އެއް އަހަރު ދުވަހުގެ ކާމީޔާބީ ފާހަގަކުރުމަށް ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ބާއްވާ އާއިލީ ހަވީރު މިއަދު ހުޅުމާލޭގައި އޮންނާނެ އެވެ.

އެވުޒާރާއިން ބުނީ މި އާއިލީ ހަވީރު އޮންނާނީ 22 ނޮވެމްބަރުގެ ހަވީރު 16:00 އިން 18:00އަށް، ހުޅުމާ ލެސެންޓްރަލް ޕާކުގައި ކަމަށެވެ.

މި ޢާއިލީ ހަވީރުގައި ތަފާތު ގޭމް ސްޓޯލްތަކާއި، ފޭސް ޕެއިންޓް، ފޮޓޯ ބޫތަކާއި ސްނޭކް އެންޑް ލެޑަރ އަދި ބެލޫން ހަންޓިން ފަދަ ކުޅިވަރު އައިޓަމްތަކެއް ހުންނާނެއެވެ.

މި ޢާއިލީ ހަވީރުގައި ހޯމް ޓިމްގައި ހިމެނޭ ކަސްޓަމްސް، ކަރެކްޝަންސް، ޕޮލިސް، އިމިގްރޭޝަން، އެންސީއައިޓީ، ޑީޖޭޖޭ އަދި އެންޑީއޭއިންވެސް ސްޓޯލްތަކެއް ކުޑަކުދިންނަށް ޚާއްސަކޮށްފަ ހުންނާނެއެވެ. ކޮންމެ ސްޓޯލަކުންވެސް އެ މުއައްސަސާއަކާ ގުޅޭ މައުލޫމާތު ކުދިންނަށް ލިބެން ހުންނާނެ ކަމަށް.ދާހިލީ ވުޒާރާއިން ބުނެއެވެ.

މި ޢާއިލީ ހަވީރު ޝަރަފުވެރިކޮށްދެއްވާނީ ދާހިލީ ވަޒީރު އަލީ އިހްސާން އެވެ.