
--
މިނިސްޓްރީ އޮފް ހަޔަރ އެޑިއުކޭޝަން، ލޭބަރ، އެންޑް ސްކިލްސް ޑިވެލޮޕްމަންޓް އިން އިންތިޒާމް ކޮށްގެން ނޮވެންބަރު 15 އިން 16އަށް ކުރިއަށް ގެންދިޔަ ދާލަން ކެރިއަރ އެކްސްޕޯ 2024 ގައި މޯލްޑިވްސް އެއަރޕޯޓްސް ކޮމްޕެނީ ލިމިޓެޑް (އެމް.އޭ.ސީ.އެލް) ގެ ސްޓޯލަށް ބޮޑުތަރުހީބެއް ވަނީ ލިބިފައެވެ.

ހުޅުމާލެ، ސެންޓްރަލް ޕާކުގައި ކުރިއަށް ގެންދިޔަ މި އެކްސްޕޯގައި އެމް.އޭ.ސީ.އެލްގެ ސްޓޯލަށް ޖުމްލަ 3،377 މީހުން ވަނީ ޒިޔާރަތްކޮށްފައެވެ. އަދި އޭގެ ތެރެއިން 600 މީހުން ވަޒީފާއަށް އެދި ފޯމު ފުރިހަމަކޮށްފައިވާއިރު، 103 މީހަކު ވަނީ އިންޓަރންޝިޕް ފުރުސަތުގައި ބައިވެރިވުމަށް އެދި ފޯމު ފުރިހަމަ ކޮށްފައެވެ. މިއެކްސްޕޯގައިއެމް.އޭ.ސީ.އެލްގެ 20 ޑިޕަރޓްމަންޓަކުން ބައިވެރިވެ، ވެލާނާ އިންޓަރނޭޝަނަލް އެއަރޕޯޓުގެ އޮޕަރޭޝަންސް ކުރިއަށްދާ ގޮތާއި، ކުރެވޭ މުހިއްމު މަސައްކަތްތައް ދައްކާލާފައި ވެއެވެ.
މިގޮތުން އެމް.އޭ.ސީ.އެލްގެ ވަޒީފާއަށް ކުރިމަތިލި މީހުންގެ ތެރެއިން ހަތަރު މީހަކަށް ފެއަރގެ ތެރެއިން ވަނީ ވަޒީފާގެލިޔުން ހަވާލުކޮށްފައެވެ. މިފަރާތްތަކަށް ވަޒީފާގެ ލިޔުން ހަވާލުކޮށްދެއްވީ އެމް.އޭ.ސީ.އެލް ގެ ޑެޕިއުޓީ މެނޭޖިންގ ޑިރެކްޓަރ މުޖްތަބާ ލަތީފްއެވެ. އަދި ބާކީ ހުރި އެޕްލިކޭޝަންތައްވެސް ޕްރޮސެސް ކުރުމަށްފަހު އިތުރު މީހުންނަށް ވަޒީފާގެ ފުރުސަތު ތަނަވަސް ވެގެންދާނެއެވެ. މީގެ އިތުރުން ސްޓޯލަށް ޒިޔާރަތްކޮށް ރެޖިސްޓަރ ކުރި މީހުންގެ މެދުގައި ނެގި ގުރުއަތުން ހޮވުނު 5 މީހަކަށް ލެޕްޓޮޕް އަދި 10 މީހަކަށް އެހެނިހެން ހަދިޔާތައް ދީފައި ވެއެވެ.
މިނިސްޓްރީ އޮފް ހަޔަރ އެޑިއުކޭޝަން، ލޭބަރ، އެންޑް ސްކިލްސް ޑިވެލޮޕްމަންޓްއިން އިންތިޒާމުކޮށްގެން ކުރިއަށް ގެންދިޔަ ދާލަން ކެރިއަރ އެކްސްޕޯގެ މައިގަނޑު މަޤްޞަދަކީ ވަޒީފާ ހޯދާ ފަރާތްތަކާއި ވަޒީފާދޭ ފަރާތްތަކުގެ ގުޅުވައި ދިނުމެވެ. މި އެކްސްޕޯގައި އެމް.އޭ.ސީ.އެލްގެ ބައިވެރިވެފައިވަނީ ރާއްޖޭގެ އިގްތިސާދާއި، ކުރިއަރަމުން އަންނައޭވިއޭޝަން ދާއިރާގައި ޒުވާނުންނަށް ހުޅުވިފައިވާ ވަޒީފާގެ ފުރުސަތުތައް ދައްކުވައިދިނުމުގެ މަގުސަދުގައެވެ.
ގުޅުންހުރި

ކުރިޔަށް އޮތް 4 ދުވަހު ވީއައިއޭ ބާރުބޮޑުވާނެ: އެމްއޭސީއެލްގެ އިލްތިމާސްއެއް ފުރާ ޕަސެންޖަރުންނާއި ޓެކްސީ ޑްރައިވަރުންނަށް!

ރޯދަ ސާފު ޕްރޮގްރާމުގައި އެމްއޭސީއެލްގެ 500 އަށްވުރެ ގިނަ މުވައްޒަފުން ބައިވެރިވި!

އެމްއޭސީއެލްގެ އަމާޒަކީ ޖުލައި މަހުގެ ތެރޭގައި ވީއައިއޭގެ އައު ޓާމިނަލް އޮޕަރޭޝަނަށް ގެނައުން!
