logoEN
Sto top
ކުރިޔަށް އޮތް 4 ދުވަހު ވީއައިއޭ ބާރުބޮޑުވާނެ: އެމްއޭސީއެލްގެ އިލްތިމާސްއެއް ފުރާ ޕަސެންޖަރުންނާއި ޓެކްސީ ޑްރައިވަރުންނަށް!

ކުރިޔަށް އޮތް 4 ދުވަހު ވީއައިއޭ ބާރުބޮޑުވާނެ: އެމްއޭސީއެލްގެ އިލްތިމާސްއެއް ފުރާ ޕަސެންޖަރުންނާއި ޓެކްސީ ޑްރައިވަރުންނަށް!

އަހުމަދު ޝުރާއު

logo

4/3/2025, 4:31:10 PM

# އެމްއޭސީއެލް

--

ރާއްޖޭގެ މައި އެއާޕޯޓު ވެލާނާ އިންޓަނޭޝަނަލް އެއާޕޯޓު ކުރިޔަށް އޮތް 4 ދުވަހު ބާރު ބޮޑުވާނެތީ އެކަމަށް ސަމާލުވުމަށް އެއާޕޯޓު ހިންގާ އެމްއޭސީއެލުން އިލްތިމާސްކޮށްފި އެވެ.

Wamco

އެމްއޭސީއެލުން މިއަދު ބުނީ އުމްރާގެ އަޅުކަމަށް ދިޔަ ގިނަ ބަޔަކު އެނބުރި ރާއްޖެ އަންނަން ހަމަޖެހިފައިވުމާއި އީދު ބަންދު ނިމުމާއި ދިމާކޮށް ދަތުރުކުރާ ފަރާތްތައް އިތުތުވާނެތީ އެއާޕޯޓު މަގުތަކާއި ޓާމިނަލް ސަރަހައްދުތަކުގައި ޓްރެފިކް ބޮޑުވާނެ ކަމަށް ލަފާ ކުރެވޭ ކަމަށެވެ.

އެހެންކަމުން ދަތުރުކުރައްވާ ޕަސެންޖަރުން އެކަމަށް ސަމާލުވެ ދަތުރުފަތުރުގެ ތަޖުރިބާ ފަސޭހަކަމާ އެކު ކުރިއަށް ގެންދިއުމަށް ޓަކައި ފުރުމުގެ މަދުވެގެން ތިން ގަޑިއިރު ކުރިން އެއާޕޯޓަށް އައުމަށް އެމްއޭސީއެލުން ވަނީ އިލްތިމާސްކޮށްފައެވެ.

މީގެ އިތުރުން އެމްއޭސީއެލް އިން ވަނީ ޕީކް ވަގުތުތަކުގައި ހުރިހާ ޓެކްސީ ސެންޓަރުތަކާއި ޑްރައިވަރުން ޓްރެފިކަަށް ސަމާލުވެ އެއްބާރުލުންދިނުމަށްވެސް އެދިފައި އެވެ.

ޕީކް ގަޑިތައް ކަމަށް އެމްއޭސީއެލުން ލަފާކުރާ ގަޑިތަކަކީ:

ހުކުރު ދުވަހުގެ 14:00 އިން 18:00 އަށް

ހޮނިހިރު ދުވަހުގެ 16:00 އިން 18:00 އަށް

އާދީއްތަ ދުވަހުގެ 14:00 އިން 16:30 އަށް

އަންނަ ހަފްތާއަކީ ސްކޫލު ޗުއްޓީ ނިމި ސްކޫލުތައް ހުޅުވޭ ހަފްތާކަމުން މި ހަފްތާ ބަންދުގައި ގިނަ ބަޔަކު ރަށްރަށަށް ފުރަން ވަނީ ހަމަޖެހިފައި އެވެ. އަދި އީދު ބަންދުވެސް އާދީއްތަ ދުވަހަށް ނިމޭއިރު ދަތުރުކުރާ ފަރާތްތައް އިތުރުވެގެންދާނެ އެވެ.

Maldivian
ކޮމެންޓް
Maldivian
ފަހުގެ
STELCO Inside