ލުބުނާނުގައި ސައިބާ ހަމަލާތައް ދިނުމުގެ އޯޑަރު ދިނީ ނަރުބަވެރި ނަތަންޔާހޫ!

މިދިޔަ ސެޕްޓެމްބަރު މަހު ލުބުނާނުގައި ޕޭޖަރުތަކެއް ގޮއްވާލައި ދިން ބޮޑު ސައިބާ ހަމަލާގެ އޯޑަރު ދިނީ އިޒްރޭލުގެ ނިރުބަވެރި ބޮޑުވަޒީރު ބެންޖަމިން ނަތަންޔާހީ ކަން އެގައުމުން ފުރަތަމަ ފަހަރަށް ހާމަކޮށްފި އެވެ.

އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ، އީރާނަށް ތާއީދުކުރާ ލުބުނާނުގެ ހަތިޔާރު އެޅި ޖަމާއަތެއް ކަމަށްވާ ހިޒްބުالله ގެ ހަނގުރާމަވެރިންނަށް އަމާޒުކޮށް މިދިޔަ ސެޕްޓެމްބަރު މަހު ދިން ނުރައްކާތެރި ސައިބާ ހަމަލާތަކަށް ރުހުން ދިން ކަމަށް އޭނާގެ އޮފީހުގެ ތަރުޖަމާނު އުމޭރު ޑޮސްޓްރީ ހާމަކުރެއްވީ މިއަދު އެވެ.

ލުބުނާނުގައި ދިން މިފަދަ އެންމެ ނުރައްކާތެރި ސައިބާ ހަމަލާއާއި ގުޅޭ ގޮތުން ކުރި ސުވާލުތަކަށް އިސްރާއީލުގެ އަސްކަރިއްޔާއިން ފުރަތަމަ ޖަވާބެއް ދޭން ދެކޮޅު ހެދި އެވެ.

ސެޕްޓެމްބަރު މަހުގެ 17 ވަނަ ދުވަހު ބެއިރޫތުގެ ދެކުނުގެ އަވަށްތަކާއި ލުބްނާނުގެ ސަރަހައްދުތަކުގައި އެއްފަހަރާ އެތައް ހާސް ޕެޖަރެއް ގޮއްވާލާފައިވާއިރު، މި ހަމަލާތަކުގައި ހިޒްބުالله އާއި އިރާނު އަސްކަރިއްޔާގެ ގިނަ ބަޔަކު ޒަހަމްވިއެވެ.

މި ސައިބާ ހަމަލާގައި ފޭޖަރުތަކުގެ އިތުރުން ވޯކީޓޯކީތަކެއް ވެސް ވަނީ ހެކްކޮށް ގޮއްވާލާފައި އެވެ. މި ހަމަލާގައި ލުބުނާނުގެ ގިނަ ބަޔަކު ޝަހީދުވެސްވިއެވެ.

ހިޒްބުاللهގެ އޮފިޝަލަކު ނަން ނުޖެހުމަށް ޝަރުތުކޮށް ވިދާޅުވީ މި ހާދިސާއަކީ އިސްރާއީލާ އެކު ގާތްގަނޑަކަށް އަހަރެއްހާ ދުވަސް ވަންދެން ހިނގި ހަމަނުޖެހުންތަކުގައި އެ ޖަމާއަތަށް ކުރިމަތިވި އެންމެ ބޮޑު ސެކިއުރިޓީ ބްރީޗް" ކަމަށެވެ.

މި ސައިބާ ހަމަލާއަށްފަހު އިޒްރޭލުން ވަނީ ލުބުނާނަށް އެއްގަމު މަގުން އަރައިގަނެ ޣައްޒާގައި ކުރަމުންދިޔަ ހަނގުރާމަ ފުޅާކޮށް ހަނގުރާމައިގެ މިސްރާބު ލުބުނާނަށް ބަދަލުކޮށްފައެވެ.