ނިރުބަވެރި އިޒްރޭލު އަސްކަރިއްޔާއިން ސީރިއާއަށް ވަރުގަދަ ހަމަލާއެއް ދީފި އެވެ.
ސީރިއާގެ ދައުލަތުގެ މީޑިއާ, ސަނާއިން ބުނީ ސީރިއާގެ މެދުތެރޭގައި އޮންނަ ހޯމްސްގެ ދެކުނުގެ ރަށްރަށުގެ ޝިންޝާރު ސަރަހައްދަށް އިސްރާއީލުން ހަމަލާއެއް ދިން ކަމުގެ އިބްތިދާއީ ރިޕޯޓްތައް ލިބިފައިވާ ކަމަށެވެ.
ސަނާއިން އިތުރަށް ރިޕޯޓުކޮށްފައިވާ ގޮތުގައި ސީރިއާގެ ހޯމްސް ސިޓީގެ ދެކުނުން ގެދޮރު ގެއްލިފައިވާ ލުބުނާނުގެ މީހުންގެ އެހީ އެއްކުރާ މަރުކަޒަކަށް އިސްރާއީލުން ދިން ޙަމަލާއާ ގުޅިގެން ސީރިއާގެ މައި ހޯމްސް-ދިމިޝްގު ހައިވޭ ވަނީ ހުއްޓުމަކަށް އައިސްފައި އެވެ.
"އިޒްރޭލުގެ ހަމަލާއެއް" އަމާޒުކޮށްފައި ވަނީ "ހޯމްސްގެ ދެކުނުގައި އޮންނަ ޝިންޝާރު ސަރަހައްދުގެ ވަށައިގެންވާ ސަރަހައްދަށް" ކަމަށް ސީރިއަން އޮބްޒަވޭޓަރީ ފޯ ހިއުމަން ރައިޓްސް އިން ބުނި އިރު، ސީރިއަން އޮބްޒަވޭޓަރީ ފޯ ހިއުމަން ރައިޓްސް އިން ބުނެފައި ވަނީ ހަމަލާ ދީފައި ވަނީ ހިޒްބުالله މިއުނިޝަން ގުދަނަކަށް ކަމަށެވެ.
ނަމަވެސް މިކަމާއި ގުޅިގެން އަދި މިހާތަނަށް ހިޒްބުاللهއިން ބަހެއް ބުނެފައި ނުވެއެވެ.
އަދި އިޒްރޭލު އަސްކަރިއްޔާއިންވެސް ރަސްމީ ބަހެއް ބުނެފައި ނުވި ނަމަވެސް އިޒްރޭލުން ދަނީ ސީރިއާގައި ހިޒްބުالله ގެ ހަތިޔާރު ރައްކާކުރާ ކަމުގެ ތުހުމަތުތައް ކުރަމުންނެވެ.
ފަހުގެ
