އިޒްރޭލުގެ މެދުތެރެއަށް ރޮކެޓު ހަމަލާތަކެއް!

ނިރުބަވެރި އިޒްރޭލުގެ މެދުތެރޭގެ ސަރަހައްދުތަކަށް ވައިގެ ހަމަލާތަކެއް ދީފި އެވެ.

ރިޕޯޓުތައް ބުނާގޮތުގައި އިޒްރޭލުގެ މެދުތެރޭގެ ސަރަހައްދުތަކަށް ވައިގެ ހަމަލާއެއް އަމާޒުވުމާއި ގުޅިގެން އެއާ ސައިރެން އަޑުތައް ވަނީ ގަދަވެފައި އެވެ. މި ހަމަލާއާއި ގުޅިގެން އަދި މިހާތަނަށް ސީދާ މިއީ ކޮން ކަހަލަ ހަމަލާއެއް ކަމެއް އަދި މިހާތަނަށް އިޒްރޭލުގެ އަސްކަރިއްޔާއިން ކަށަވަރުކޮށްދީފައި ނުވި ނަމަވެސް އެކަމުގެ ތަފްސީލްތައް މިހާރު ދިރާސާ ކުރަމުން އަންނަ ކަމަށް އިޒްރޭލުގެ އަސްކަރިއްޔާއިން ވަނީ ބުނެފައި އެވެ.

އިޒްރޭލުގެ ބައެއް ނޫސްތަކުން ރިޕޯޓުކުރާ ގޮތުގައި މިއީ ލުބުނާނުގެ ސަރަހައްދުން އެގައުމަށް ދިން ރޮކެޓު ހަމަލާތަކެކެވެ. އެގޮތުން ހަމަލާދިނީ ކޮން ބައެއްކަން ކަށަވަރުވެފައި ނުވި ނަމަވެސް މިއީ ހިޒްބުالله ހުއްޓުމެއްނެތި ދެމުން އަންނަ ހަމަލާތަކުގެ ތެރެއިން ހަމަލާއެއް ކަމަށް ބެލެވޭ ކަމަށް އިޒްރޭލުގެ މީޑިއާތަކުން ދަނީ ރިޕޯޓުކުރަމުންނެވެ.

މި ހަމަލާގެ ރިޕޯޓު މެދުއިރުމަތީގެ ނޫސްތަކުންވެސް ރިޕޯޓުކުރަމުންދާއިރު ހަމަލާގެ މާބޮޑު ތަފްސީލެއް އަދި ހާމަކޮށްފައެއް ނުވެއެވެ.

މީގެ އިރުކޮޅެއް ކުރިން އިސްލާމިކް ރިސިސްޓެންސްއިން ވެސް ވަނީ އިޒްރޭލަށް ރޮކެޓު ހަމަލާތަކެއް ދެމުން އަންނަ ކަމަށް ބުނެފައެވެ. އެހަމަލާތައް ދެމުން ދަނީ އިޒްރޭލުގެ އަސްކަރީ ބޭސްތަކަށް އަމާޒުކޮށް ކަމަށް ވެސް ވަނީ ބުނެފައި އެވެ.