އެޗްޑީސީގެ ޗެއާމަނަކަށް ނާސިފް!

ރާއްޖޭގެ އެންމެ ބޮޑު އާބަން ޑިވެލޮޕްމެންޓު ކުންުފުނި, ހައުސިންގ ޑިވެލޮޕްމެންޓު ކޯޕަރޭޝަން ( އެޗްޑީސީ ) ގެ ބޯޑުގެ ޗެއާމަން އަކަށް މުހައްމަދު ނާސިފް އައްޔަނުކުރައްވައިފި އެވެ.

މީގެ ކުރިން ރީޖަނަލް އެއާޕޯޓްސްގެ ޗެއާމަންގެ މަގާމުގައި ހުންނެވި ނާސިފް އެޗްޑީސީގެ ޗެއާމަނަކަށް އައްޔަނުކުރެއްވީ މިއަދުގެ ވަގުތެއްގައި އެވެ. އެޗްޑީސީން މިއަދު ވަނީ ނާސިފް ޗެއާމަން ކަމުގެ މަގާމަށް އައްޔަންކޮށްފައިވާކަން އިއުލާނުކޮށް އޭނާއަށް މަރުހަބާ ދަންނަވާފައެވެ.

ނާސިފް ރީޖަނަލް އެއާޕޯޓްސްގެ ޗެއާމަންކަމުން ވަކިކުރީ މި ހަފްތާގެ ކުރީކޮޅު އެވެ. ނާސިފް ވަނީ މިއަހަރުގެ ޖެނުއަރީ މަހުން ފެށިގެން އެކުންުފުނީގެ ޗެއާމަންކަން ކުރައްވާފައި އެވެ.

ނާސިފް ވަނީ މީގެ ކުރިން އެޗްޑީސީގެ މެނޭޖިންގ ޑިރެކްޓަރުގެ މަގާމުވެސް ފުރުއްވާފައި އެވެ.

އެޗްޑީސީއަށް އައު ޗެއާމަނަކު އައްޔަނުކޮށްފައިވަނީ މީގެ ކުރިން އެމަގާމުގައި ހުންނެވި ޒުހޫރޫ މިއަހަރުގެ މާޗު މަހު ވަކިކޮށްފައިވަނިކޮށެވެ.