ހިޒްބުاللهއިން މިއަދު އެކެނިވެސް އިޒްރޭލަށް އަމާޒުކޮށް 100 އަށްވުރެ ގިނަ ރޮކެޓު ފޮނުވާލި!

ލުބުނާނުގެ ހިޒްބުالله ޖަމާއަތުން މިއަދު އެކަނިވެސް އިޒްރޭލަށް އަމާޒުކޮށް 100 އަށްވުރެ ގިނަ ރޮކެޓު ހަމަލާ ފޮނުވާލާފައިވާކަމަށް ރިޕޯޓުތައް ބުނެފި އެވެ.

އިޒްރޭލުގެ ޗެނަލް 12 އިން ބުނި ގޮތުގައި ލުބްނާނުން އިސްރާއީލާ ދިމާލަށް މިއަދު ހެނދުނުން ފެށިގެން އެއްސަތޭކަ ރޮކެޓް ވަނީ ފޮނުވާލާފަ އެވެ. އެގޮތުން މިވަގުތާއި ހަމައަށް އެކަނިވެސް 120 ރޮކެޓު ލުބުނާނުން އިޒްރޭލުގެ ވައިގެ ސަރަހައްދަށް ވަދެފައިވާ ކަމަށް ރިޕޯޓުތައް ބުނެއެވެ.

އިޒްރޭލުގެ އަސްކަރިއްޔާއިން ބުނާގޮތުގައި ހިޒްބުاللهގެ ހަމަލާތަކާ ގުޅިގެން މިއަދު ދެވަނަ ފަހަރަށް މުޅި ގައުމުގައި ސައިރަންގެ އަޑު ތައް ވަނީ އިވިގެން ގޮސްފައި އެވެ.

ހިޒްބުالله އިން މިއަދު އެންމެ ފުރަތަމަ ފޮނުވާލި ހަމަލާގައި 5 ރޮކެޓު އިޒްރޭލަށް ވަތް އިރު އެތަނުން އިންޓަސެޕްޓު ކުރެވުނީ 3 ރޮކެޓެވެ. އަދި ދެ ރޮކެޓެއް އިޒްރޭލުގެ ސަރަހައްދުތަކަށް ވެއްޓިފައިވާކަމަށް ރިޕޯޓުތައް ބުނެފައި އެވެ.

އިޒްރޭލުގެ ނޫސްތަކުން ރިޕޯޓުކުރާގޮތުގައި މިއަދު ހިޒްބުالله އިން ފޮނުވާލި ރޮކެޓު ހަމަލާއެއް އިޒްރޭލުގެ މައި އެއާޕޯޓާއި ކައިރި ސަރަހައްދަކަށް ވަނީ ވެއްޓިފައި އެވެ. ނަމަވެސް ލިބުނު ގެއްލުންތަކުގެ ތަފްސީލެއް އަދި މިހާތަނަށް ހާމަކޮށްފައެއް ނުވެއެވެ.