ހިޒްބުالله ގެ ވަރުގަދަ ރޮކެޓު ހަމަލާތަކެއް އިޒްރޭލުގެ ހައިފާ އާއި ތެލް އަވީވަށް, ޔަހޫދީންތަކެެއް ޒަހަމްވެސް ވެއްޖެ

ލުބުނާނުގެ ހިޒްބުالله ޖަމާއަތުން އިޒްރޭލަށް އަމާޒުކޮށް ފޮނުވާލި ގިނަ އަދަދެއްގެ ރޮކެޓު ހަމަލާތަކުގައި ޔަހޫދީންތަކެއް ޒަހަމްވެއްޖެ އެވެ.

އަލްޖަޒީރާއިން ރިޕޯޓުކުރާ ގޮތުގައި ހެނދުނުން ފެށިގެން ލުބުނާނުން އިސްރާއީލުގެ ސަރަހައްދުތަކަށް ވަރަށްގިނަ އަދަދެއްގެ ރޮކެޓްތަކެއް ވަނީ ފޮނުވާލާފައި އެވެ. އެގޮތުން މިއީ ލުބުނާނުގެ ވެރިރަށް ބެއިރޫތައް ޔަހޫދީން ދިން ވަރުގަދަ ހަމަލާތަކާއި ގުޅިެގން ހިޒްބުالله އިން ދެމުންދާ ހަމަލާތަކެއް ކަމަށް ބެލެވޭ ކަމަށްވެސް އަލްޖަޒީރާއިން ރިޕޯޓުކުރެއެވެ.

ހިޒްބުالله ގެ މި ހަމަލާތަކުގައި އިޒްރޭލުގެ އުތުރުގެ ބޯޑަރު ސަރަހައްދުތަކާއި އަވަށްތަކުގެ އިތުރުން ހައިފާ އާއި ހައިފާ ބޭ ސަރަހައްދުގެ ތެލްއަވީވް ކައިރީގައި އޮންނަ ސަރަހައްދަކަށް މި ހަމަލާގެ އަސަރު ވަނީ ކޮށްފައެވެ. އެގޮތުން އިޒްރޭލުގެ ވެރިރަށް ކަމަށްވާ ތެލް އަވީވްއަށް ދިން ހަމަލާެއްގައި ތިން މީހަކު ޒަހަމްވެފައިވާ ކަމަށްވެސް ރިޕޯޓުތައް ބުނެއެވެ.

އަދި އިޒްރޭލުގެ މެޓޫލާ އަވަށަށް ވެސް މިއަދު ގިނަ އަދަދެއްގެ ރޮކެޓު ހަމަލާތަކެއް އަމާޒުވެފައިވާއިރު އެސަރަހައްދަށް ބޮޑެތި ހަމަލާތަކެއް ލިބިފައިވާ ކަމަށް ރިޕޯޓުތައް ބުނެއެވެ.

އިސްރާއީލުގެ މީޑިއާތަކުން ރިޕޯޓު ކުރަމުންދާގޮތުގައި މިއަދުގެ މިހާތަނަށް 150 އަށް ވުރެ ގިނަ ރޮކެޓް ހަމަލާ އިޒްރޭލަށް އަމާޒުކޮށް ލުބުނާނުން ވަނީ ފޮނުވާލާފައި އެވެ.