އާރްޑީސީގެ ސްޓްރެޖެޓިކް އެކްޝަން ޕްލޭން އިފްތިތާހްކޮށްފި

ކުރިއަށް އޮތް ފަސް އަހަރަށް އާރުޑީސީން އެކުލަވާލާ ދިގުރާސްތާގެ އިސްތިރާޖީ އެކްޝަން ޕްލޭން އިފްތިތާހުކޮށްފި އެވެ.

މި އެކްޝަން ޕްލޭން އިފްތިތާހްކޮށްފައިވަމީ އެ ކޯޕަރޭޝަން އަހަރީ ދުވަސް ފާހަގަ ކުރުމަށް ބޭއްވުނު ސްޓާފް ނައިޓުގައި އެވެ. ރޭ ކުރިޔަށްދިޔަ މި ހަފްލާގައި މި އެކްޝަން ޕްލޭން އިފްތިތާހު ކޮށްދެއްވީ އިމާރާތް ކުރުމާއި ބިނާރާ ބެހޭ ވުޒާރާގެ ސްޓޭޓް މިނިސްޓަރ ހަސަން ރަޝީދު އެވެ.

އިސްތިރާޖީ އެކްޝަން ޕްލޭން އިފްތިތާހު އެކަމާއި ގުޅޭ އަތްމަތީ ފޮތެއްވެސް އެކުންފުނިން ވަނީ ނެރެފައި އެވެ.

އާރްޑީސީން ބުނީ މި ހިނގާ އަހަރާއެކު ފަސްއަހަރަށް އަމާޒުކޮށް ތައްޔާރުކުރެވިފައިވާ އެކްޝަން ޕްލޭނުގެ މައިގަނޑު މަޤްޞަދަކީ، އެ ކޯޕަރޭޝަންގެ ތަޞައްވުރަށް ވާޞިލިވުމަށްޓަކައި، އެކަށައެޅިފައިވާ އަމާޒުތަކަށް މަސައްކަތްކުރުމުގެ ސާފު މަގުޗާޓެއް އެކުލަވާލުން ކަމަށެވެ. އެގޮތުން މި ޕްލޭނުގައި އިސްކަންދޭ މައިގަނޑު 5 ދާއިރާ އެއް ހިމެނޭ ކަމަށާއި އޭގެ ތެރޭގައި ކޯޕަރޭޝަނުގެ އިދާރީ އޮނިގަނޑު އިސްލާހު ކުރުމާއި، ސްޓޭކްހޯލްޑަރ އިތުބާރު ދެމެހެއްޓުމާއި، ކުންފުނީގެ ޤާބިލުކަން އިތުރުކުރުމާއި، ކޯޕަރޭޝަނުން ކުރަމުން ގެންދާ ވިޔަފާރި ފުޅާކޮށް ސިންދަފާތު ކުރުމުގެ އިތުރުން މާލީ ތަނަވަސްކަން އެންމެ ފުރިހަމައަށް ހޯދުމަށް ކުރަންޖެހޭ ކަންކަން ތަރުތީބުކޮށް ތަންފީޒް ކުރުން ހިމެނޭ ކަމަށް އެކުންފުނިން ބުނެއެވެ.

އާރްޑީސީގެ ސްޓާފް ނައިޓް، ބައިނަލް އަގުވާމީ އަދި ގައުމީ ފެންވަރުގެ މަތީ ވަނަތައް ހާސިލު ކުރި މުވައްޒަފުންނާއި، ވޭތުވެދިޔަ އަހަރު އެކި ގޮތް ގޮތުން ފާހަގަ ކުރެވުނު މުވައްޒަފުންގެ އަގުވަޒަންކޮށް ހަދާނީ ފިލާ ވަނީ ދީފައި އެވެ.