އިރާނަށް އަމާޒުކޮށް ޔަހޫދީ އިޒްރޭލު އަސްކަރިއްޔާއިން މިއަދު ފެށި ހަމަލާތަކުގެ ތެރެއިން ބައެއް ހަމަލާތައް އިރާނުގެ ވެރިރަށަށް އަމާޒުވެފައިވާ ކަމަށް ރިޕޯޓުތައް ބުނެފި އެވެ.
އީރާނުގެ ދައުލަތުގެ މީޑިއާއިން ރިޕޯޓުކުރާ ގޮތުގައި ވެރިރަށް ތެހެރާންގެ ވަށައިގެން ބާރު ގަދަ ގޮވުންތަކެއްގެ އަޑު މީގެ އިރުކޮޅެއް ކުރިން ވަނީ އިވިފައި އެވެ. ނަމަވެސް މިއީ ޔަހޫދީންގެ ހަމަލާއެއްގެ އަޑުކަން ސީދާ ކަށަވަރުކޮށްފައި ނުވި ނަމަވެސް ތެހެރާނަށްވެސް އިޒްރޭލުގެ ހަމަލާތަކެއް އަމާޒުވުން ގާތް ކަމަށް ރިޕޯޓުތައް ވަނީ ބުނެފައި އެވެ.
މި އަޑުތަކުގެ ހަގީގަތް ހާމަވެފައި ނުވި ނަމަވެސް އިޒްރޭލުގެ ހަމަލާތަކާއި އެކު އިރާނުގެ އަސްކަރިއްޔާ މިހާރު އޮތީ ތައްޔާރި ހާލަތުގައި އެވެ.
އިރާނުން އިޒްރޭލަށް ހަމަލާދިން ކަމަށްބުނެ އިޒްރޭލުން މިއަދު ފަތިހު ވަނީ އިރާނަށް ހަމަލާތައް ދޭން ފަށާފައި އެވެ.
މި ހަމަލާތަށް އަމާޡުކުރީ އިރާނުގެ އަސްކަރީ މަރުކަޒުތަކާއި ނިއުކްލިއާ މަރުކަޒުތަކަށް ކަމަށް ރިޕޯޓުތައް ބުނި ނަމަވެސް އަދި މިހާތަނަށް އެކަން އިރާނުން ކަށަވަރުކޮށްނުދެއެވެ.
ގުޅުންހުރި
އިޒްރޭލަށް ހަމަލާދިނުމަށް ނިއުކްލާ ހަތިޔާރު ބޭނުންކުރާނެ ކަމުގެ ނުސިދާ އިންޒާރު އިރާނުން ދީފި
އިރާނުގެ ވެރިރަށް ތެހެރާނުގައި ވެސް ގޮވުންތަކެއްގެ އަޑު!
އިޒްރޭލުން އިރާނަށް މިއަދު ދިން ހަމަލާގައި އިރާނުގެ ދެ ސިފައިން ޝަހީދުވެއްޖެ
އެމިރޭޓްސްއިން އިރާނަށް ކުރާ ދަތުރުތައް ކުއްލި ގޮތަކަށް މެދުކަނޑާލައިފި
ފަހުގެ
