ޔަހޫދީންގެ ހަމަލާއެއްގައި ލުބުނާނުގެ ސިޓީއެއްގެ މޭޔަރު އަވަހާރަކޮށްލައިފި

ޔަހޫދީ އިޒްރޭލުން ލުބުނާނަށް ދެމުންދާ އުދުވާނީ ހަމަލާތަކުގައި މިއަދު އެގައުމުގެ ސިޓީއަކަށް ވަރުގަދަ ހަމަލާއެއްދީ އެސިޓީގެ މޭޔަރު ހިމެނޭހެން 5 މީހަކު ޝަހީދުކޮށްލައިފި އެވެ.

ލުބުނާނުގެ ސިއްހަތާއި ބެހޭ ވުޒާރާއިން ބުނީ ލުބުނާނުގެ ދެކުނުގެ ސިޓީއެއް ކަމަށްވާ ނަބަތީހުގެ މުނިސިޕަލް އިމާރާތަކަށް އިސްރާއީލުން ދިން ހަމަލާއެއްގައި ފަސް މީހަކު ޝަހީދުވެފައިވާ ކަމަށެވެ.

ޝަހީދުވި މީހުންގެ ތެރޭގައި އެ ސިޓީގެ މޭޔަރު ވެސް ހިމެނޭ ކަމަށް އެ ސަރަހައްދުގެ ގަވަރުނަރު ވަނީ ކަށަވަރުކޮށްދެއްވާފަ އެވެ.

އިޒްރޭލުގެ އަސްކަރިއްޔާއިން ބުނީ ނަބަތީހް ސަރަހައްދުގައި ހުރި ހިޒްބުالله އިންފްރާސްޓްރަކްޗާގެ އެތައް އަމާޒަކަށް ހަމަލާދީ "އަންޑަގްރައުންޑް އިންފްރާސްޓްރަކްޗާ" ގެ ގޮތުގައި ސިފަކުރާ ތަންތަން ނައްތާލާފައިވާ ކަމަށެވެ.