ޔަމަނުން އިޒްރޭލަށް އަމާޒުކޮށް މިސައިލްތަކެއް ފޮނުވާލާފައިފި

ޔަމަނުން އިޒްރޭލަށް އަމާޒުކޮށް މިސައިލްތަކެއް ފޮނުވާލާފައިފި އެވެ.

އިޒްރޭލުގެ އަސްކަރިއްޔާއިން ބުނީ ޔަމަނުގެ ސަރަހައްދަކުން އިސްރާއީލުގެ މެދުތެރޭގެ ސަރަހައްދުތަކަށް އަމާޒުކޮށް ސާފޭސް-ޓު-ސާފޭސް މިސައިލްތަކެއް ފޮނުވާލާފައިވާ ކަމަށެވެ.

މި މިސައިލްގެ ސަބަބުން އިސްރާއީލުގެ މެދުތެރޭގެ ބައެއް ސަރަހައްދުތަކަށް ވައިގެ ހަމަލާތަކުގެ ސައިރަންތައް ވަނީ އަޑުއިވިފައި ކަމަށް ރިޕޯޓުތައް ބުނެއެވެ.

މި މިސައިލްތައް އިންޓަސެޕްޓުކޮށްފައި ކަމަށް އިޒްރޭލު އަސްކަރިއްޔާއިން ބުނި ނަމަވެސް މި މިސައިލްތައް އިޒްރޭލުގެ ބައެއް ސަރަހައްދުތަކަށް ވެއްޓިފައިވާކަން ބައެއް ރިޕޯޓުތައް ބުނެއެވެ. ނަމަވެސް މިކަން އަދި މިހާތަނަށް ކަށަވަރުވެފައި ނުވެއެވެ.

މި މިސައިލް ހަމަލަގައި ވަނީ ހޫތީން ކަމަށް ޔަހޫދީން ތުހުމަތު ކުރަމުންދާއިރު އަދި މިހާތަނަށް ހޫތީން މި ހަމަލާގެ ޒިންމާ ނަގާފައެއް ނުވެއެވެ.