ލުބުނާނުގެ ފިޔާ ސްޓޭޟަނަކަށް ޔަހޫދީން ދިން ހަމަލާއެއްގައި 10 މީހަކު ޝަހީދުވެއްޖެ

ޔަހޫދީ އިޒްރޭލުން ލުބުނާނުގެ ފަޔާ ސްޓޭޝަނަކަށް ބޮން އަޅައި ބަޔަކު ޝަހީދުކޮށްލައިފި އެވެ.

ލުބުނާނުގެ ބަރާޗިތު އަވަށުގައި ހުންނަ އިސްލާމިކް ހެލްތު އޮތޯރިޓީއާ ގުޅިފައިވާ ފަޔަރ ސްޓޭޝަނަކަށް އިސްރާއީލު ސިފައިން ދިން ހަމަލާއެއްގައި އަލިފާން ނިއްވާ 10 މީހަކު ޝަހީދުވެފައިވާ ކަމަށް އެގައުމުގެ އޮފިޝަލުން ވަނީ ބުނެފައި އެވެ.

ލުބުނާނުގެ ރަސްމީ ނޭޝަނަލް ނިއުސް އެޖެންސީން ހެލްތު މިނިސްޓްރީއާ ހަވާލާދީ ބުނެފައި ވަނީ ޝަހީދުވި އަލިފާން ނިއްވާ މީހުން ތިބީ "ރެސްކިއު މިޝަންތަކަށް ނުކުތުމަށް ތައްޔާރަށް ހުރި އިމާރާތުގައި" ކަމަށާއި މި ހަމަލާގައި ޝަހީދުވި މީހުންގެ އަދަދު އިތުރުވުން އެކަށީގެންވާ ކަމަށެވެ.

އިޒްރޭލުން ބުނާ ގޮތުގައި ހަމަލާތައް އަމާޒުކުރަމުންދަނީ ހިޒްބުالله ގެ ކޮމާންޑު ސެންޓަރުތަކާއި އެޖަމާއަތުގެ ހަނގުރާމަވެރިންނަށެވެ. ނަމަވެސް ލުބުނާނަށް ޔަހޫދީން ދެމުން އަންނަ ހަމަލާތަކުގައި ސިއްހީ ހިދުމަތްތެރިންނާއި ރެސްކިއު އޮފިޝަލުން ޝަހީދުވާ މިންވަރު ވަނީ އިތުރު ވެފައި އެވެ.