ނިރުބަވެރި އިޒްރޭލުން ޣައްޒާގެ ޖަބާލިއާ ރެފިއުޖީ ކޭމްޕަށް ދިން ވައިގެ ހަމަލާތަކުގައި 17 މީހަކު ޝަހީދުވެއްޖެ އެެވެ.
ޣައްޒާގެ މަދަނީ ދިފާއީ އިދާރާއިން ބުނީ އެ ސަރަހައްދުގެ އުތުރުގައި އޮންނަ ޖަބަލިއާ ރެފިއުޖީ ކޭމްޕަށް އިސްރާއީލުން ދިން ވައިގެ ހަމަލާތަކުގައި ނުވަ ކުޑަކުދިންނާ އެކު 17 މީހުން ޝަހީދުވެފައިވާ ކަމަށެވެ.
މި ހަމަލާގައި އެކޭމްޕަށް ބޮޑެތި ގެއްލުންތަކެއް ލިބިފައިވާކަންވެސް އެއިދާރާއިން ހާމަކުރެއެވެ.
އިޒްރޭލު ސިފައިން ބުނީ ޖަބާލިއާއަށް ހަމަލާދިނީ ހަމާސް އިން އެތަނުގައި އަލުން ކޮމާންޑު ސެންޓަރުތަކެއް ހެދުމަށް މަސައްކަތް ކުރަން އުޅޭ ކަމުގެ އިޝާރާތެއް ލިބުމުން ކަމަށެވެ. ހަމާސްއާއި ދެކޮޅަށް ކަމަށްބުނެ ޔަހޫދީން ޣައްޒާގެ އެތަކެއް ރެފިއުޖީ ކޭމްޕުތަކަކަށް ދަނީ ހަމަލާތައް ދެމުންނެވެ. މި ހަމަލާތަކުގައި ހަނގުރާމަވެރިންނަށްވުރެ އާންމުން ޝަހީދުވާ އަދަދު ގިނަ ކަމަށް ޣައްޒާގެ ކަމާބެހޭ އިދާރާތަކުން ބުނެއެވެ.
ޔަހޫދީން ޣައްޒާއަށް ވަރުގަދަ ހަމަލާތަކެއް ދޭތާ މާދަމާއަށް އެއް އަހަރު ފުރޭ އިރު މިހާތަނަށް ޣައްޒާއިން 42,000 އާއި ގާތް ކުރާ އަދަދަކަށް މީހުން ޝަހީދުވެފައި ވެއެވެ. އޭގެ ތެރޭގައި ގިނަ އަދަދެއްގެ ކުޑަކުދިންނާއި އަންހެނުން ހިމެނެއެވެ.
ގުޅުންހުރި
ޣައްޒާގެ ޖަަބަލިއާގެ ސްކޫލަކަށް ޔަހޫދީން ބޮން އަޅައި 15 މީހަކު ޝަހީދުކޮށްލައިފި , 5 ކުޑަކުދިން ހިމެނޭ!
އަލް އަގްސާ ހޮސްޕިޓަލުގެ ގޯތި ތެރެއަށް ޔަހޫދީން ބޮން އަޅައި 4 މީހަކު ޝަހީދުކޮށްލައިފި
ޣައްޒާގައި ފުޓްބޯޅަ ކުޅެން ތިބި ކުޑަކުދިންތަކަކަށް އަމާޒުކޮށް ޔަހޫދީން ބޮން އަޅައި 5 ކުޑަކުއްޖަކު ޝަހީދުކޮށްލައިފި
ޣައްޒާގެސަރަހައްދެއް ހުސްކުރަން އިޒްރޭލުން އެންގުމުން އެސަރަހައްދު ދޫކޮށް ދާން މަސައްކަތްކުރި މީހުންނަށް އަމާޒުކޮށް ޔަހޫދީން ބަޑިޖަހަން ފަށައިފި
ފަހުގެ
