އިޒްރޭލުން ލުބުނާނުގެ މައި އެއާޕޯޓު ކައިރިއަން ބޮން އަޅައިފި

އަހުމަދު ޝުރާއު

10/6/2024, 11:57:53 AM

ޔަހޫދީ ނިރުބަވެރި އިޒްރޭލު އަސްކަރިއްޔާއިން ލުބުާނުގެ މައި އެއާޕޯޓުކަމަށްވާ ބެއިރޫތު އިންޓަނޭޝަނަލް އެއާޕޯޓު ކައިރިއަން ވައިގެ ހަމަލާތަކެއް ދީފި އެެވެ.

ބޭރުގެ ރިޕޯޓުތައް ބުނާގޮތުގައި ޔަހޫދީ އަސްކަރިއްޔާއިން ބެއިރޫތު އެއާޕޯޓު ކައިރިއަން ބޮން އެޅުމުގެ ސަބަބުން އެއާޕޯޓުގެ ބައެއް ހިދުމަތްތަކަށް ވަނީ ބުރޫ އަރާފައި އެވެ.

މި ހަމަލާއާއި ގުޅިގެން އަދި މިހާތަނަށް އިޒްރޭލުންވެސް ބަހެއް ބުނެފައި ނުވާއިރު އިޒްރޭލުން ބުނާގޮތުގައި ބެއިރޫތުގެ އަމާޒުތަކަށް ހަމަލާތައް ދެމުން ދަނީ ހިޒްބުالله ގެ ކޮމާންޑު ސެންޓަރުތަކަށް އަމާޒުކޮށެވެ.

މިއަދުވެސް ޔަހޫދީންގެ ގިނަ ހަމަލާތަކެއް ބެއިރޫތަށް އަމާޒުވެފައިވާއިރު ލުބުނާނުން މިއަދުގެ މިވަގުތާއި ހަމައަށް 25 އަށްވުރެ ގިނަ މީހުން ޝަހީދުކޮށްލާފައި އެވެ. އޭގެ ތެރޭގައި މިއަދު ޔަހޫދީން ލުބުނާނުގެ މިސްކިތަކަށް ދިން ހަމަލާއެއްގައި ޝަހީދުވި 21 މީހަކު ހިމެނެއެވެ.

އިތުރު ތަފްސީލް އަންނަނީ ..