ހިޒްބުالله ގެ އިތުރު ކޮމާންޑަރަކު ޝަހީދުކޮށްލައިފި

ލުބުނާނުގެ ޖަމާއަތެއްކަމަށްވާ ހިޒްބުالله ގެ އިތުރު އިސް ކޮމާންޑަރަކު ޔަހޫދީންގެ ހަމަލާއެއްގައި ޝަހީދުކޮށްލައިފި އެވެ.

އިސްރާއީލުގެ އަސްކަރިއްޔާއިން ބުނީ ލުބުނާނަށް ދިން ހަމަލާއެއްގައި ޝަހީދުކޮށްލީ ކްފަރުކެލާ ކުންފުނީގެ ކޮމާންޑަރު ހާދަރު އަލީ ތަވީލް ކަމަށެވެ.

އޭނާ ޝަހީދުކޮށްލިކަން އިޒްރޭލު އަސްކަރިއްޔާއިން އިއުލާނު ކުރި ނަމަވެސް އެކަމާއި ގުޅިގެން އަދި މިހާތަނަށް ހިޒްބުاللهއިން ބަހެއް ބުނެފައެއް ނުވެއެވެ.

ނިރުބަވެރި އިޒްރޭލުން ބުނީ ހާދަރު އަލީ ތަވީލް އަކީ ކްފަރުކެލާ ކުންފުނީގެ ކޮމާންޑަރުގެ މަގާމުގައި ހުންނެވި ބޭފުޅެއް ކަމަށާއި އިޒްރޭލުގެ އުތުރުގައި ތިބި އިސްރާއީލުގެ މުޖުތަމައުތަކާ ދިމާލަށް އެތައް ސަތޭކަ ޕްރޮޖެކްޓައިލްތަކާއި އެންޓި ޓޭންކް މިސައިލް ތައް ފޮނުވާލުމުގެ ފަހަތުގައި ހުރީ ހާދަރު ކަމަށެވެ.

އިޒްރޭލުން ލުބުނާނަށް ދެމުންދާ ވަރުގަދަ ހަމަލަތާކުގައި ހިޒްބުاللهގެ މަތިފަޑީގެ އެތަކެއް ކޮމާންޑަރުންތަކެއް ދަނީ ޝަހީދުކުރަމުންނެވެ.