ޔަހޫދީ އިޒްރޭލުން ސީރިއާއަށް ޑްރޯން ހަމަލާއެއްދީ އެކަކު ޝަހީދުކޮށްލައިފި

ޔަހޫދީ އިޒްރޭލުގެ ނިރުބަވެރި އަސްކަރިއްޔާއިން ސީރިއާގެ ސަރަހައްދަކަށް ޑްރޯން ހަމަލާތަކެއް ދީފި އެވެ.

ސިރިއާގެ ދައުލަތުގެ ނިއުސް އެޖެންސީ ސަނާއިން ރިޕޯޓްކޮށްފައިވާ ގޮތުގައި އެގައުމުގެ ވައިގެ ދިފާއީ ބާރުތަކުން ވަނީ "ހުޅަނގު ހޯމްސްގެ"އަވަށްތަކަށް ޔަހޫދީން ދިން ޑްރޯން ހަމަލާތަކެއް އިންޓަސެޕްޓުކޮށްފަ އެވެ.

މިއީ ސީރިއާ-އިރާގު ބޯޑަރުގައި ވާ އަލް ބުކަމަލް ސިޓީއަށް އިސްރާއީލުގެ ޑްރޯނަކުން ވައިގެ ހަމަލާއެއް ދިން ކަމަށް ބައެއް ބޭރުގެ ރިޕޯޓުތައް ބުނަމުން ދިޔަ ދަނޑިވަޅެއްގައި ސަނާއިން ރިޕޯޓުކުރި ހާދިސާއެކެވެ.

މި ޑްރޯން ހަމަލާ ހޯމްސްގެ ވެހިކަލަކަށް އަމާޒުވެ އެކަކު ޝަހީދުވެފައިވާ ކަމަށްވެސް ބައެއް ރިޕޯޓުތައް ބުނެއެވެ.

މި ހަމަލާއާއި ގުޅިގެން އަދި މިހާތަނަށް އިޒްރޭލު އަސްކަރިއްޔާއިން ބަހެއް ބުނެފައި ނުވެއެވެ.