ލަންކާ ރިޔާސީ އިންތިހާބު: އަނޫރާ ޑިސަޔަނަކެ އިންތިހާބު ކާމިޔާބުކޮށްފި

ސްރީލަންކާގެ ރިޔާސީ އިންތިހާބު އަނޫރާ ކުމާރަ ޑިސަޔަނަކެ ކާމިޔާބުކުރައްވައިފި އެވެ.

އުމުރުން 55 އަހަރުގެ އަނޫރާ ޑިސަޔަނަކެ މި އިންތިހާބު ކާމިޔާބު ކުރެއްވީ އިންތިހާބުގެ ފުރަތަމަ ގުނުމުގައި 42.3 އިންސައްތަ ވޯޓު ހޯއްދަވައިގެންނެވެ. އޭނާއާ އެންމެ ގާތުން ވާދަކުރި އިދިކޮޅު ލީޑަރު ތަޖިތު ވިކްރަމަސިންހަ އަށް ލިބިވަޑައިގެންނެވީ32.7 އިންސައްތަ ވޯޓެވެ.

މި އިންތިހާބު ނަތީޖާ ކަނޑައަޅާފައިވަނީ ފުރަތަމަ ގުނުމުގައި އެއްވެސް ކެންޑިޑޭޓަކަށް 50 އިންސައްތައަށް ވުރެ މަތިން ވޯޓު ލިބިފައި ނުވާތީ, ދެވަނަ ގުނުމަކަށް ފަހު އެވެ. ނުވަތަ ޕްރިފަރެންސް ވޯޓު ގުނުމަށް ފަހު އެވެ.

ދެވަނަ ގުނުމަށްފަހު އިންތިހާބު ކާމިޔާބު ކުރެއްވީ އަނޫރާ ކުމާރަ ޑިސަޔަނަކެ އެވެ. އޭނާ ވެގެންދާނީ ލަންކާގެ 9 ވަނަ ރައީސަށެވެ.

އަނޫރާ ޑިސަޔަނަކެ ހޯއްދެވި ކާމިޔާބީއާ ގުޅިގެން ގައުމުތަކުން އަންނަނީ މަރުހަބާ ދަންނަވަމުންނެވެ.