ބިދޭސީއެއްގެ ފޯނު ފޭރުނު މީހަކު ހައްޔަރުކޮށްފި

މާލެއިން ބިދޭސީއެއްގެ އަތުން ފޯނެއް ފޭރުނު ދިވެއްސަކު ހައްޔަރުކޮށްފި އެވެ.

ފުލުހުން މިއަދު ބުނީ ޗާންދަނީ މަގުން ބިދޭސީއެއްގެ ފޯނު ފޭރުނު މީހަކު ހިފަހައްޓާފައި ހުރިކަމަށް ރޭ 23:43 ހާއިރު ފުލުހުން ރިޕޯޓުކުރި ކަމަށާއި އަދި އެ މައުލޫމާތު ލިބުމާއެކު ފުލުހުން އެޓެންޑުވި ކަމަށެވެ.

އަދި އާންމުންގެ އެހީތެރިކަމާއެކު އެމީހާ ހައްޔަރުކޮށް، އޭނާ ފޭރުނު ފޯނު ވެރިފަރާތާ ހަވާލުކޮށްފައިވާ ކަމަށް ފުލުހުން ބުނެ އެވެ.

މި މައްސަލައާއި ގުޅިގެން ހައްޔަރުކުރި މީހާގެ ފޮޓޯއާއި ވަނަވަރު ފުލުހުން ވަނީ އާންމުކޮށްފައެވެ. އެގޮތުން ހައްޔަރުކުރީ ލ. މާމެންދޫ، ރިހިވެލި، އަހުމަދު ނިޒާރު (31އ) އެވެ.

ފުލުހުން އިތުރަށް ބުނީ މި މައްސަލަ ތަހުގީގު ކުރަމުންދާ ކަމަށެވެ.